mohamed.mgm

أنا شخص بحب أعيش الحياة بتوازن. بشتغل مدير تصوير لمنصة علمية، شغلي باقوم بيه عن بُعد من القاهرة مع فرق في مصر والسعودية والأردن. عندي شغف بالقراءة والاطلاع، خصوصًا في العلوم والاكتشافات الجديدة. الصبح غالبًا أكون بقرأ بحث طبي أو اختراع فيزيائي. ChatGPT ساعدني أطور الهواية دي أكتر. دلوقتي بلعب بادِل وبتمرن سباحة. بحب أكون دايمًا نشيط ذهنيًا وجسديًا. أنا كمان ابن بلد ، مش مولود وفي بُقي معلقة دهب. أبويا كان صاحب مخبز، وكان شايف فيا مشروع يستثمر فيه، فدخلني مدارس إنترناشونال. وده خلاني أعرف أتكلم مع الكل؛ من ولاد السوق والمعلمين لحد أساتذة الجامعة والمثقفين في شغلي. بحب تربية الأطفال والاهتمام بيهم، وبحس إنك تربي وترعى طفل يطلع سوي وطيب وذكي، ده إنجاز حقيقي، وحاجة تِفخَر بيها بجد. شايف إن الجواز خطوة مهمة بتضيف للإنسان وبتطوره. وبالنسبة لتاريخ الملف، هو قديم لأني أنشأته من 6 سنين ونسيت أمره، ورجعتله مؤخرًا لما قررت أتزوج زواج تاني.