ربي حافظني

الله يا مرسل ( محمد ) بالاسلام ياللي بعينك / كل شيٍ تشوفه اطلبك / وأنت بحالة الخلق علام تقبل دعاء من ترتفع لك كفوفه قالوا : يتيم / وقلت : وش ذنب الأيتام وين القلوب / الحانيات / العطوفه أنا يتيم / وذقت من جور الأيام وكم واحدٍ مثلي شكا من ظروفه ابوي مات وما بقى غير الآلآم وضيم الدهر / سل لعيوني سيوفه اقضي حياتي / فاقد الحب / منظام وليل الحزن / ينقش بعيني حروفه طيف التعاسة / في سماء دنيتي حام وقلبي من اهموم الزمن / زاد خوفه تسقيني أكفوف الشقا / كاس الأوهام وكم من يتيمٍ شال جرحه بجوفه مكسور خاطر / عيشتي مثل الأحلام ودرب الشقاء / قدام عيني أشوفه يا ناس / يأهل الخير / حسو بالأيتام يأهل القلوب / الحانيات / العطوفه