YOUSRY22

- عمي أنا جاي أطلب إيد منار بنتك - أوي أوي .. - هي بتزن عليا بقالها فتره ومصدعاني فقولت آجي أصارحك عشان أخلص - يا هاني يا ابني أنا بعذر الناس وعارف ظروف الشباب - في الحقيقة أنا شريحة إجتماعيه C .. يعني منحدر ماديا وعايش باكل وبشرب بالقوة - احنا نفس الشريحة والله ونفس الظروف - سقف طموحي انخفض وأقصي أحلامي أشرب سجاير مستوردة - والله انا بشرب كليوباترا وقاطعه نفسي - كل ما أمتلكه حاليا في جيبي حق الميكروباص اللي هيروحني - انا الخمسة جنيه االي كانت معايا جبت بيها لتر بيبسي عمل 3 كبايات .. اللي قدامك واللي قدامي وفي واحدة الولاد والمدام بتاعتي ومنار بيخمسوا فيها جوه - مقدرش أوعدك بأي نجاح في الجوازة دي - يا ابني هو حد بقي يقدر يتجوز أصلا دلوقتي ؟ دا اللي هتعمله ده لوحده انجاز - أنا شرقي و غير مخلص وبجري ورا شهواتي - منار ضحلة ثقافيا ومخها علي قدها وتقدر تضحك عليها بسهولة - أنا بحب التفخيد ومش هشتغل وهشغلها واخليها تصرف عليا - مهي بتصرف عليا - بسقط في ثانوية عامه بقالي 3 سنين - منار سمر كورس بقالها خمسة - السواد اللي تحت عنيا ده مش قلة نوم .. ده حشيش - انا ديلر - انا عشوائي وبحب العبايات - منار عنيها مش زرقا دي لينسز .. ومش بيضا فعلا دا فاونديشن وباودر .. وشفايفها مش بينك دي مشققة .. وده سيلكون بيج اوف وايت 😂 - أنا زهقت - كلمني في مقوماتك طيب - في الحقيقة معنديش شقة - ومين عنده ؟ - مش هجيب لا شبكة ولا مهر - مش هنجيب أجهزة كهربية - ولا قاعه ولا كوافير - مفيش كوافير يأثر في منار - ولا فستان - مفيش فستان يخش في منار - هنتجوز في أوضتي اللي في شقة أبويا - خدني معاكوا - كنت شغال كول سنتر واترفدت عشان باخد أرقام العميلات وابتذهم وأركب صورهم علي صور عريانه - منار كل يوم تجيلي بعضه في رقبتها و تعمل تاتو فراشة - أنا االي بعملهالها - وانا راضي - انا شمام - منار أناناس - انا وحش - واحنا لو لفينا الدنيا كلها مش هنلاقي اوحش منك يبقي جوز بنتنا - انا حبيتك جدا يا عمي - نجيب الشربات ؟ - لا شوفلنا حاجة زفرة كده تناسب القاعده - يا منار .. افتحي علبه تونه لخطيبك وهاتيها .. نورت يا حبيبي !