أنا Hossam98 ، 45 عاما من مصر أبحث عن زوجة رقمي في مودة هو 3651881

عضوية مميزة

السكن و الحالة الإجتماعية

يا بنات مصر ... صورة حضرتك مش سر حربى ... صورة حضرتك مش حتملى الانترنت زى ما انتى فاهمة و الكل حيجري يستخدمها .... صورة حضرتك من اول دقايق فى المحادثة حتوفر عليكى كلام كتير اوى و حتسهل الدنيا كتير على الطرفين. مش لازم حضرتك تعملى شات لمدة اسبوع و تخلى الشاب يقع فى حب خياله و بعدين يصدم لما يشوف حضرتك لانك مختلفة عن الصورة الخيالية حتى لو كنتى حلوة و في الاخر اتهام للموقع انه عامل زى سوق الخردة. لو حضرتك شوفتي مواصفات مواصفة اطلبى من الاول تبادل الصور بكل ثقة و حطى صورة واضحة ليكى و من قريب و يكون باين فيها ملامحك و شكلك العام ... يعنى مثلا لو حضرتك تخينة ياريت يبقى واضح ده فى الصورة. اما بقى نوعية الصور الى يادوب باينة فيها خيالات او عاملة تعديل فصدقينى يوم ما تتقابلو حتكون الصدمة و اعتقد ان رد الفعل الراجل مش بيكون ظريف فى الموقف ده.

لما واحد بيقابل واحدة في دراسة او في شغل او بنت جيران او حتى قرايب فأول حاجة بيشوفها و يعجب بيه هو الشكل و بعدين بيحاول يتعرف عليها و لو حصل اعجاب من طريقة الكلام و الشخصية بيطلب يرتبط بيها. ديه الحكاية بالنسبة للراجل ... بسيطة و سهلة ... نظرة فكلمة فلقاء ايه بقى الي بيحصل هنا ؟؟ لو الراجل من الاول طلب يشوف صورة البنت الى بياناتها مناسبة ليه بيبقى كانه ارتكب جريمة و انه متسرع و همجى و انه داخل هنا يشقط ... واحدة تانية ترد رد انقح بانها تقله ... اه ده انت كل الى يهمك الشكل بقى ؟؟؟ و كانه ارتكب جرم فظيع و ان اذاي يهمك الشكل و سايب الجوهر!!!! اه الشكل بالنسبة للراجل مهم جدا و سميه زى ما تسميه بس هو فعلا كدة