لكي وحدك 0

انا بنت زيكم وداخلة أحذر من واحد هنا نصاب كل شوية يدخل ببروفايل شكل عامل نفسه ابن ناس ورجل أعمال وهو صايع ونصاب وبيسرق البنات لما يقابلهم خلي بالكم منه اسم البروفايل بتاعه: رجل اعمال 0000 ، خدوا الاسم بيست وكوبي وادخلوا علي خانة البحث وادخلوا صفحته اعملوا له حظر عشان يعرف انه انكشف هنا والكل فاهمه ، لازم تعملوا كدا عشان تحموا غيركم من فخه النصاب ده ،، ونصيحة مني ليكي لما تتواصلي مع أي راجل هنا اتبعي خطوات معينة عشان تحمي نفسك لو طلع نصاب ... اولا متقوليش اسمك الحقيقي ومتروحيش تتكلمي معاه علي الواتس إلا لما تكوني عرفتيه هنا كويس وسألتيه كل الأسئلة وفهمتيه مبدئيا وظروفه ناسبتك خلي بالك من اللي داخلين عاملين نفسهم مراكز دول واغنيا وولاد ناس أغلبهم نصابين اصل لو واحد فيه كل الميزات ديه مش هيلاقي عروسة وهيدخل يدور هنا ! ياريت تشوفي اي خط مركون عندك مهمل تدخلي بيه الواتس وتتكلمي بيه معاهم عشان في الاخر يترمي لو جالك عليه معاكسات ... لو رحتي قابلتي حد متروحيش لوحدك وتكون المقابلة في مكان عام كافيه مثلا ولو رفض أن حد يجي معاكي يبقي نصاب أو داخل يتسلى ويبقي كشف نفسه ... اوعي يقولك هاتي خاتم عشان اعرف مقاسك عشان اجبلك خاتم هدية ده كدا حرامي هياخده ويخلع ولو قالك تعالي معايا الصايغ اجبلك حاجة متروحيش لوحدك ومتلبسيش في اليوم ده حاجة دهب ممكن اكسسوار أو دهب صيني وربنا يبعد عنا ولاد الحرام