تبارك ذو الجلال

بسم الله الرحمن الرحيم أوًلا أشكرك على زيارة صفحتي، وبدعيلك من قلبي ربنا يوفقك ويهديك لبنت الحلال ويفرحك قريب، طالما انت نيتك خير فعلا وصادق مش بتتسلى ببنات الناس ربنا هيكرمك جدا والله ....... قبل ما تراسلني أو تضيفني للاهتمام عايزة حضرتك تقرأ اللي هكتبه ده كويس معلش، عشان لا نضيع وقت بعضنا في تفاصيل وأسئلة بدون فائدة .......... أنا بنت محترمة جدًا، نشأت في أسرة طيبة ومحافظة، والحمد لله كلنا تعليم عالي، والسبب الوحيد اللي خلاني أسجل في مودة هنا هو ضعف العلاقات الاجتماعية، لأني مش موظفة وخروجي من البيت مع الأهل قليل، فقلت مفيش ضرر لو أخذت بالأسباب من باب السعي في الخير ................... وبالنسبة لسبب تأخري ف الزواج لبعد الثلاثين، فهي ظروف عائلية شغلتني عن الارتباط أو التوظيف هشرحها لصاحب النصيب بإذن الله، والظروف دي اتغيرت دلوقتي الحمد لله ومبقاش فيه حاجة تشغلني ............................... أما عن طباعي الشخصية، فأنا إنسانة طيبة والحمد لله متدينة بتوسط مش متزمتة، بحترم نفسي وأقدرها لذا أتجنب الشبهات ومصادر القلق في الحياة، ف مش بصاحب أو أتواصل مع رجال تحت أي مسمى..................... الحمد لله مثقفة وبحب القراءة والاطلاع في أغلب المجالات ............... الزواج بالنسبالي علاقة مشاركة وصداقة وحب وعشق دائم، في بيت مبني على الصدق والرفق والتفاهم .................. رومانسية جدًا وعاطفية ....... مش عصبية ومش بحب المشاكل والنكد ......... مرنة في التعامل ومتفهمة اختلافات البشر ........... ببص للدنيا بالعقل والقلب مع بعض ، لكن لو القلب تعارض مع العقل هحكم عقلي في الأمور ............... والحبيب والزوج اللي ف خيالي بتمناه مثقف ومحترم ، فاهم ازاي يتعامل مع الأنثى ويحتويها ، من أسرة كويسة وبيننا تكافؤ دراسي وعائلي ، ميسور ماديًا بحيث يقدر يكون مسئول عن بيت وأسرة ويوفر لهم حياة كريمة ...................... رومانسي وحار المشاعر ، مش بارد ومش عصبي في نفس الوقت ............. محافظ على الصلاة ........ صريح جدًا وصادق .............. مرح ومحب للحياة وملذاتها ضمن نطاق الحلال ............ وطبعًا يكون هدفه الزواج الشرعي الرسمي ، مش عرفي ولا سري ولا مسيار ولا غيره ............. وبالنسبة لطريقة التواصل والتعارف ، عشان لا نختلف على حاجة ،،،،، طبعا حضرتك فاهم ان ده انترنت ، يعني أنا معرفش مين الصالح من الطالح لحد ما يكون فيه أفعال تثبت جديتك ...... وبالتالي فأنا مقدرش أبعتلك صورتي أو أكلمك فون ، و إذا فيه توافق هتشوفني في مقابلة بحضور أهلي بإذن الله ............ وأخيرًا أشكرك على سعة صدرك ، وأسأل الله لي ولكل المحترمين الصادقين بالموقع أن ييسر لنا كل خير وصلاح وسعادة .... ويصرف عنا الشر والضر وأهل السوء ......... آمين يارب العالمين.