النوخذه 40

هادي وطيب القلب واخاف الله ..احب الغشمره والضحك احترم المرأ لكونها انثى ولها مكانتها وحنانها وعطفها واظل احترمها و لها مكانة خاصة عندي . هوايتي الرحلات البحريه .. واحب السفر . حنون ومرح و طيب وصبور على كل شي ولله الحمد . وماحب ازعل حد مهما كان والكل يحبني ولله الحمد لان الله عزوجل حبني وجعل الكل يحبني والمحبة دووم من الله الواحد الاحد . احب الحياة البسيطه الحلوه اللي هي سبب سعادتي . صدقوني الفلوس مهب كل شي ناس عندها وعايشين في قصور بين الحشم والخدم واحسن سياران ورفاهيه بس ماعندهم السعاده . لان الصحه والسعاده ماتنشرى بفلوس . اما المادة في امور الحياة وبس حتى ولو بشي بسيط . ناس فقيره راضين بلقمة يومهم وعايشين بسعاده وبحياة حلوه والقلوب على بعضها . الله يازمن اول الكل قلبه على الثاني آآآآه والف آآآآه . البيوت من الطين وقعدة الحصيرة والشبابيك القديمه وسعف النخل والبارجيل اللي يجي منه الهواء البارد واااي على زمان الاول ..