توفايور

ما عمرني بغيت نكون بنت مغربية عادية. أعشق المراتب الأولى و التميز. و ما يميز المرء عن أخيه هي ثقافته الشخصية. أنا إنسانة مثقفة أعشق الاختلاف لأنه لا يزيد كياني إلا غنى. كنكره نتحط فشي موقف ولا يتطرح شي موضوع و نكون جاهلة فيه. إذن أيف إيم إلا شفتوني شي نهار كنهدر على السياسة و كرة القدم و الدين و كارل ماركس و الفيزياء و القانون و الجنسية و البورصا و علم النفس و أدومة و التسونامي -الشيخة ماشي الكارثة- ما تخلعوش آه أخوتي هادي أنا. شخصيتي قوية بزاف و أربك حتى الرجال في مجالسهم. الناس من بعيد كيقولو فيا العياقة و متكبرة و هذا حكم قيمة مسبق خاطئ. شخصيتي محيرة جدا، فأنا في نفس الوقت أضعف خلق الله قلبا. أنا إنسانة حساسة أكثر من اللازم. أحب جميع الناس بصدق. قلبي لا يعرف الكراهية أو الحقد أو الحسد أو الأنانية. و شحال من حاجة دازت على هاد القلب و مبغاش يحشم. عزيز عليا نصنع الفرح في قلوب الناس و نشوفهم واصلين و ناجحين في حياتهم. حاجتي ماشي ديالي و نهار كتطلب مني شي مساعدة مستحيل نقول لا. قلبي عدبني بزاف في حياتي و شحال ديال الناس خانوني و خانو الثقة ديالي فيهم و خلفو الوعود و دازو عليا أوقات كنت فيها ضعيفة و منهارة. و لكن حتى حاجة ماتقدر تكسرني لأنني مكنعرفش معنى الانهزام واخا نعرف نجبد قلبي من بلاصتو و نعفط عليه. ‎أنا فكريا ماعمركم تلقاو معايا مشكل. أنا من النوع اللي كيتقبل الناس كيفما هما بدون أحكام. و عندي المعتقدات الدينية و الشخصية ديال كل إنسان خط أحمر ما عنديش الحق نقولو صح أو غلط فهو حر الاعتقاد و أنا أحترم الحريات بشتى أنواعها. ليس من حق أحد أن يكره آخر على الاعتقاد بشيء. ليس من حق أحد أن يكفر آخر أو يجرم فعله. أنا عندي بحال اللي دايرة الخمار بحال اللي كاشفة عن جمالها و مفاتنها بحال اللي هازة الطاسة و بحال اللي خارجة من الجامع و بحال اللي صلات فالكنيسة نهار الأحد. حيت أنا واحد النوع ديال البشر اللي كيخاطب العقول لا غير و يحترم الممارسات و المظاهر كيفما كانت.