عريس الصدفة

السلام عليكن .. مواصفات الانسانة التي ابحث عنها هي .. ان تكون من أسرة مرموقة وتكون محترمة و و مثقفة و واعية وراقية في فكرها قبل لباسها و اسلوبها . نبيها انيقة و متحررة في لباسها وبالدرجة الاولى في افكارها .عصرية بكل معنى الكلمة . في لباسها مكسرة للقيود وابصايرية . نبي الفرح يشع من عيونها وديما تضحك .. نكره النكد وياسر منها نبي انعيش حياتي نبي نفرح ونبي انسانة اتفرحني .. لا ايهمني افلوسها ولا شهادتها ايهمني ادماغها وتفكيرها وثقافتها .. نبي علم حقيقي مش شهادات ومكانات .. نبي انسانة متحررة في كل شيء و ما عنديش مانع حتى لو كانت غير محجبة بالعكس انا انحب المرأة لما تتحدى واتدير مافي رأسها بس الاهم من هذا اتكون محترمة في داخلها قبل ظاهرها يعني اتكون محترمة في مضمونها .. مش وحدة مايعة لا لا هذه لا اريدها ولا اقبل بها .. نبي دكتورة محترمة و عصرية وعادي حتى مش محجبة .. بس بشرط اتكون محترمة المضمون .. ومتجيش وحدة شاكة في جمالها وقدراتها واترسلني وتقعد اتخرف في خراف المتخلفات واتقول انت علماني ومش عارف شني وانت ضد الحجاب .. لان انا اختلافي مع هدفك من ارتداء الحجاب .. هل ارتديتيه لنفسك ولله .. ام للناس ولغرض يا من راني هاني متحجبة .. يعني انا ابحث عن انسانة واعية مثقفة وكلامي مش حتفهمه الا المتعلمات والمثقفات ياللي قرن في كل شهر في عشر روايات واشبح كم كتاب وكم مجلة علمية ... كلامي مش ل ياللي حد طموحها قفطان تتباها به في العراس وثقافتها وهدرزتها تقتصر عند فلانة جابت وطرالها وجرالها .. طولها لازم ان لا ينقص عن 165 سم ولا يزيد عن 180 وحبذا لوكانت 175 سم وبالنسبة لوزنها يكون متوازن مع طولها بحيث ما يقلش عن 50 وميزيدش عن 65 كيلو . تحياتي