قطر الندي M

ابتديت فعلا افكر في الحياة دي بشكل تاني ابتديت يعني احافظ ع اللي باقي واخلي بالي وابتديت افهم بعقلي مين نهاني ومين بدأني مين ف وقت الفرحة جنبي ومين ف وقت الشدة باعني ابتديت اعرف حقايق كانت ف يوم غايبة عني زي مثلا لما كنت ادخل سريري كنت واثق اني حصحا النهاردة النوم بيجي زيه زي الموت ف لمحة لما كنت اعيا تملي كنت واثق اني حخف لما كنت ابكي دموعي كان مسيرها في يوم تجف كنت بحسب عمري عشرة..لسه جاي الضعف ضعف الضعف خد مني الالم احلام كتير..لما كنت بحب حاجة كنت بعشقها بضمير كنت اقضي الليل بطوله ف انتظار اخترنا لك عدا عمري ولسه اهلي بيقولولي اختارنا لك علموني اني اختياري مش بأيدي.اكتفي بدور المشاهد قالوا لو نفسك ف حاجة ادعي وادعي وانت ساجد قالوا وقت الضعف لازم تبقي وسط الخلق جامد كنت بكتب عمري 0 وجنبه واحد واما فجأة الدنيا بدأت لطشت..انحنيت انا للباقي من السنين فجأة كل مشاعري فيا اتلخبطت..اللي كانوا ملايكة طلعوا شياطين دارت الدنيا ولفت مرمطت سهل كانت تاخدني شمال يمين اللي كان ف طفولتي مصدر بهجتي هو هو نفسه اللي خلاني حزين كنت بكتب عمري 0 وجنبه .... كنت قاصد ابعد اللي يقربوا..واجري ورا مين يهربوا وارمي نفسي ف حضن ناس اسهل مافيهم يكدبوا اللي قالي ف يوم بحبك الف شكر..واللي قاللي ف يوم كرهتك الف شكر كل واحد شافني ف الشارع وقالي هاتلي عمر...كنت بكبر كل يوم من غير ما احس - قصيدة لعبدالله حسن - راقت لي