محب الزهراء ع

مستحيل اقيم نفسي ولكن كل اللي امتلكه هالصراحه اللي اكتبها لكم ، ونوايانا وقلوبنا بس الله يعلم فيها ، انا ريال ولله الحمد اخاف ربي ومحافظ على صلاتي ، واحاول اني اراقب ربي بكل خطوة ، وضعي المادي من فضل ربي فوق الممتاز ، موظف بوزارة حكومية ، عمري 41 سنه ، متزوج وعندي اطفال ، ولحد يظن اني بقول زوجتي فيها وفيها ، بالعكس وضعي الاسري الحمدلله وايد زين ، يمكن تسألوني عيل ليش تبي تتزوج؟ السؤال من حقكم ، انا بتزوج برضى زوجتي وبعلمها ، لأن عندنا قناعه مو شرط اللي يتزوج لازم عنده مشكله ، الشرع حلل الزواج ، واحيانا الزواج يحل مشكله لانسانه قادر انك تكون سبب لاسعادها ، وعشان هالشي اسمحولي انا بكتب مواصفات معينه بالانسانه اللي ارتبط فيها ، واتمنى اللي ما تشوف فيها المواصفات أو اللي بس داشه تطمش اتمنى انهم ما يراسلون ، لأن القسم على الطرفين بالجدية .. ادور على انسانه كويتيه اتمنى تكون من نفس مذهبي ، مو مهم عمرها ، ولا حتى حالتها الصحية ، يهمني تكون عقيم او ماعندها رغبه بالانجاب لأن مكتفي بهالناحية ، ابي انسانه خايفه الله ، انسانه تبي الستر وتبي زوج يسعدها ويعينها ، مو مهم عندي موظفه او لا ، لأن جدام الله انا المطلوب اصرف وهاذي مسؤليتي ، باچي الامور اخليها للتواصل ، اسف اني طولت بس لأن حبيت اكون صادق معاكم