mosh72633

الجنسية : مصرى. المدينة : الجيزة . مكان الاقامة الحالية : امبابة مكان شقة الزوجية ونوعها : شقة فى بيتنا عايش فى البيت امى وابويا ربنا يشيل من عمرى ويحط فى عمرهم اخويا ومراته فى الدور الثانى اخويا بيشتغل فى بلد عربى شهرين وبياخد اجازة شهر فى مصر ومراته بنت خريجة كلية اصول الدين جامعة الازهر وبنت حلال اوى شقتنا فى الدور الثالث شقة متشطبة تشطيب ممتاز بحكم انى مهندس وبفهم شوية فى التشطيبات والشقة جاهزة من كل حاجة ناقصه على تكيف واحد بس يعني شقة ابويا وامي فى الدور الاول وشقة اخويا ومراته فى الدور الثانى وانا شقة في الدور الأخير كلنا هتكون 6 افراد أن شاءالله. العمر : 33 مواليد 21 سبتمبر 1985. المؤهل هندسة القوي والآلات الكهربية جامعة عين شمس دفعة 2008 بتقدير جيد جدا طوال الخمس سنوات الحمد لله. العمل : بعمل فى شركة كبيرة بفضل الله ومعظم الشركات اللي اشتغلت فيها من ساعة ما اتخرجت شركات عالميه ولله الحمد وظيفتي الحالية Senior Electrical Engineer الطول173 الوزن: 76 لون البشرة : قمحي مائل للبياض تقربيا اول درجات البياض الحالة الاجتماعية : اعزب لم يسبق لى الزواج عدد الاطفال ان وجد : لا يوجد الحالة الاقتصادية : كان معايا مبلغ كبير اشتريت البيت عشان اهلي كان كل احلام يكون عندهم بيت ودا اقل جزا اقدر اعمله ليهم وتقريبا الحالة الاقتصادية كويسة والحمد لله باخد مرتب كويس جدا ومعايا مصاريف الزواج وشهر العسل ومبلغ كدة علي جنب عشان لما ربنا يكرمني ابني أو بنتي يدخلوا مدارس كويسة وميشوفش القرف اللى انا شوفتة فى مدارس الحكومة. انا هتكلم شوية عن نفسى بعد اذنكم يا جماعة انا ابن الناس الغلابة الطيبين.. عشنا فى فقر تعرفوا يعنى اية فقر؟؟ هقولكم انا يعنى اية سيدنا عمر بن الخطاب رضي الله عنه قال - لــو كان الفقر رجلآ لــقــتـلــتـه - بس انا اقدر اوصف لكم بلغة الدنيا دلوقتى يعنى ايه فقر يعنى تبقى عاوز مصاريف المدرسه متلاقيش يعنى تبقى عاوز طقم جديد ابوك يعمل جمعيه عشان يجيبلك طقمين او يشتغل شغل اضافى يعنى تبقى حد فى عائلتك تعبان بمرض بسيط حالته تتدهور ويموت عشان مفيش يعنى تمشى مسافات طويله عشان مفيش تركب عربيه او حتى تشترى عجله فتفضل تمشيها كل يوم فى الحر والبرد والمطر رايح جاى- يعنى يوم العيد تقعد تعد نص جنيه على نص جنيه عشان تشترى كل الى معرفتش تشتريه طول السنه مسدس ابو 3 جنيه ونص يعنى تقعد تعيط على جزمتك الى اتسرقت وانت بتصلى عشان مش هتعرف تشترى زيها- يعنى تضطر تطلع تجمع قطن او تشتل رز ب5 جنيه فى اليوم لما تكبر شويه وتقف طول النهار فى الشمس عشان تقدر توفر مصاريف الدارسة يعنى لو عربيه ضربتك على الطريق متلاقيش مستشفى تستقبلك ولو لقيت تنزف لغايه ما تموت عشان مفيش فيها اوضه رعايه يعنى الفاكهه واللحمه تشوفها فى الشارع وتتمنى تعرف طعمها وتعرفه لما جار طيب يديكم اللحمه فى العيد. كفاية لحد كدة انا بقى اللى انتصرت على كل الظروف دى بسبب توفيق ربنا واهلى الناس الطيبين وانا فخور بكدة أنا بقى من أسرة فقيرة على قد حالهم اهلى كان نفسهم اطلع مهندس واتحدىت كل الظروف وفعلا بقيت مهندس كان كل املهم فى الدنيا ان يكون عندهم بيت صغير اشتغلت شوية برا مصر عشان اقدر احقق حلم اهلى والحمد لله اشتريت البيت ورضيت اهلى الحمد لله وعملت شقة كويسة لى فى نفس البيت- انا بشتغل مهندس كهرباء فى شركة كبيرة ومعروفة فى مصر والعالم وحاليا ناوى اتجوز لما الاقى الانسانة اللى هتكون شريكة حياتى هتكون الشقة الاسياسية فى البيت عندنا فى امبابة بس انا حاليا بشتغل فى مدينة العلمين الجديدة والشركة اتدنى شقة مفروشة كاملة فى اسكندرية فى منطقة العجمى عند شاطئ النخيل يعنى هتجوز فى شقتى فى امبابة وبعد كدة هنعيش فى العجمى ونسافر كل فترة شقتنا فى امبابة عشان اشوف اهلى والشركة اللي بشتغل فيها ليها فروع في دول عربية وبفكر بعد الجواز نسافر سواء فى اى بلد