Fustati

للمعلومية أنا سجلت على الموقع من زمان ومدخلتوش من سنتين أو أكثر و لسه راجعله من فترة قصيرة بس مش عاوز أعمل أكونت جديد علشان الشفافية ..انا برج العقرب بكل فخرو بكل ما فيه من محاسن و مساوئ وعارف نفسي كويس. طيب و حنون و محب للحق و العدل و عندي نفس لوامة بتخاف من ربنا في كل حاجة بعملها. و عندي شغف في كل حاجة بعملها و مفعم بالحيوية.. شخصية قيادية و لكن مش متسلط.. اصحابي بيقولو ان جوايا طفل و علشان كده عمري ما هعجز و أبدو اصفر من سني بكثير شكلا و موضوعا.. مش مجنون خروج بس بحب أروح مطاعم و كافيهات علشان أستمتع بأكلة حلوة و أبعد عن الشغل و البيت .. بحب أروح ألعب بلياردو و بحب ألعب طاولة علشان روح المنافسة اللي فيها و تقضية وقت مع ناس بحبهم و بهتم بيهم.. علشان معظم وقتي مركز في شغلي فمش حرك و خيبة أحيانا في التنظيم و الترتيب و نفسي في واحدة تكون هي عنها الروح الخلاقة للتنظيم و أنا مستعد أمشي وراها .. أنا في شغلي قيادي جدا بس في الحياة الشخصية عاوز حد يشيل معايا و لو حتى بالأفكار و أنا مش همانع.. أنا مبنتميش لأي طائفة سياسية، أنا مقتنع أن أنا مصري و الناس كلها مصريين رغم كل أختلافاتهم و كلهم بكل تنوعهم ليهم حق في مصر .. تحديث.. بجد انا مش فاهم.. يعني انا حاطت صوري و كاتب كل حاجة عن نفسي بصراحة و ناقص احط صورة البطاقة و مع ذلك كل اللي بيتواصلوا معايا مش عاوزين يشاركوا صورهم.. دي جوازة يا جماعة و قبول شكل الشخص اساسي في الجواز، ان لم يكن من اوائل الشروط. انا مش مجرد عاوز ست و خلاص، انا ليا متطلبات و ذوق في الستات و عاوز واحدة ارتاح لشكلها.. و بعدين كل واحدة تقولك انا مبشاركش صور.. هو حضرتك انا طالب منك صورة بالمايوه او في وضع غير لائق، صورة عادية من بتوع البطايق و خلاص.. لازم يعني الدراما و الساسبينس