MOhammedw bs

صباح الخير للجميع، والله العظيم مادخلت هالموقع الطيب إلا وعندي الرغبة الجادة بالزواج وسبب دخولي الموقع تحديدا انه ودي اختار شريكة حياتي بنفسي ومابي زواج تقليدي ، يعني مثلا الوالدة الله يحفظها تختار وكذا ، ودي يكون الزواج بناء على توافق وراحة بين الطرفين .. أنا اتحدث عدد من اللغات عربي طبعا :- وانجلش والماني وشوي فرنسي درست برة فترة ايضا ومن يومي صغير دايما اروح ادرس في مدارس داخلية خارج الممملكة يسمونها سمر كامب بالانجليزي.. احب السفر احب الوناسه احب الضحك اكره النكد والمشاكل، ادري كل بيت فيه مشاكل بس اقل المشاكل ازينها يعني كثرتها متعبة. ابي انسانة تقدر الحياة الزوجية وتحافظ علي مثل ماراح احافظ عليها واحطها بعيوني .. من اسرة غنية الحمدالله ، عندنا بيت كبير بجدة وبيت بالرياض وعندي تفكير اني اعيش بجدة مع العلم اني بالرياض حاليا ، اشعر انه جدة اونس واحلى واهلها طيبين جدا .. امممم قبيلي بس مااهتم لهالامور كلنا عيال ادم ، اممممم مدري وش اقول بعد !! احب الكورة اشجع النصر ، في المستقبل ودي اكون رجل اعمال كبير مرة وبدعم من والدي ان شاءالله احلامي تتحقق ، احب يكون عندي اولاد بس مابي اكثر من ٤ اولادً لانه التربية صارت صعبة في هالزمن واخواني كلهم عيالهم مايتعدون ٣ ... مستعد للنقاش والكلام مع الطرف الي نرتاح لبعض عن طريق اي وسيلة هي تريحها . الله يحفظكم جميعا ويوفقكم وآسف طولت عليكم . ونسيت اقولكم عن شكلي الحمدالله طويل ووسيم وشكلي مملوح والحمدالله .