Elkabten9

متزعلش على حاجة ربنا مش رايد ليك انك يكون ليك خير فى الحاجة دى حتى ولو كنت بتعشق الحاجة دى لانك متعرفش اذا كان ليك خير فيها ولا لاء لان ربنا هو اللى خلقنا وهو اللى عالم بالنوايا داخل قلوبنا لانك ممكن تحب حد اوى اوى لكن ممكن متبقاش عارف انة مش بيحبك ولكنة بيحب حبك انت له وناوى يستغلك او ممكن متبقاش فيما بعد سعيد معاة وممكن فيما بعد تلاقى معاملتة معاك اتغيرت ومبقاش هو الشخص اللى حبيتة وتحس انك بتتعامل مع شخص تانى انا بقولكم كل دة لية لان ربنا بيقطع من هنا ويوصل من هنا بمعنى انة بيبعد عنك حاجة بتحبها علشان قربها فيها ضرر ليك وبيمنع عنك حاجة بتتمناها علشان مفيهاش خير ليك وبياخد منك حاجة علشان بيختبرك وبيؤخر عنك حاجة علشان محتفظلك بالافضل بلاش بقى نفضل نقول ان حظنا وحش والكلام اللى مالهوش لزمة دة والافضل انك تقول الحمد لله على ما اعطى وما اخد لان ربنا علشان بيحبك بيرزقك وفى نفس الوقت ممكن يبتليك لو انت اساسا مؤمن بالحاجات دى والله والله والله عمرك ما هتزعل او هتندم لحظة على حاجة ضاعت او راحت منك ومن غير ما تكون انت السبب فى ضياعها او بعدها او خسارتها خليك واثق فى نفسك ومن امكانياتك خليك عارف قدر نفسك بلاش تتهز وثقتك فى نفسك وفى قلبك وحبك تقل او تتهز احمد ربنا انك مظلمتش حد ومجرحتش حد اوعى تحسس اى حد خانك او جرحك او ظلمك انة له اى اهمية عندك او تبين ضعفك او انكسارك قدامة متحسسهوش انك انت اللى خسرتة او انة حاجة كبيرة اوى بالنسبة ليك بالعكس لازم تحسسة انة ضيع من بين ايدية نعمة صعب انة يعوضها تانى لازم تعرفة انك عمرك ما هتبص وراك تانى لازم تعرفة انة ما يستاهلش دموعك ومتنساش ان ربنا بيقطع من هنا وبيوصل من هنا ..