Try_

كلنا فينا الحلو والوحش، المهم الخير فينا يكون غالب، المهم يكون فينا المرونة والقدرة على استيعاب إن الحياة مش لونها بمبمي، ويكون عندنا القدرة على التكيف مع الظروف، ونعرف نعمل رصيد من أيامنا الحلوة عشان نواجه بيها الأيام الصعبة واحنا بنبتسم ومش فارق معانا واحنا عارفين إنها مهما كانت صعبة هتعدي، كمان لازم يكون عندنا القدرة إننا نقر بالخطأ ونقول آسف لما يجي وقتها، ونعدي لبعض، أحيانا بتكون شطارة إننا نعمل مش شايفين لحاجات ممكن تعدي ببساطة بدون تعقيدات وبدون ما تعمل شروخ ولا مشاكل كبيرة من حاجة صغيرة، وده معناه إننا بنتكلم، بنصفى أول بأول، مش مع كل مشكلة بتقابلنا نجيب القديم والجديد، يعني لما نعدي مشكلة ممكن نعمل منها خبرة لكن اللي يهدم حياتنا إننا نعمل منها هرم من المشاكل والذكريات السيئة اللي بتتراكم وبتعمل حواجز صعب كسرها، وشروخ صعب تتلم، كمان ضروري يكون فيه إمكانية التغيير الإيجابي المرن لأننا كلنا بنتغير سواء لوحدنا أو مع بعض وكل فترة من عمرنا بنكون نسخة مختلفة من نفسنا وتفكيرنا بيختلف عن قبل كدة، طبعا ده مش كل حاجة أنا بتكلم بصيغة احنا مش انتي لأن انا وهي يا إما نكون واحد يا إما مش هنكون!