white x white

انا حاولت افهم الاستراتيجية اللى الموقع بيفترضها فى طريقة التواصل لقيت انة واضع قيود لكن لم يضع بدائل ، الالتزام بقواعد اى شئ شئ محترم لكن ازاى يمنع التواصل بالفون امال الناس تتواصل ازاى ؟ حتى شات الموقع عقيم وبطئ ! ثم ان يعنى من غير المعقول انى مثلا اقول لحد ما تركبش عربيتك اركب حصان ! مش معقولة حعد اتكلم مع حد بالطريقة العقيمة دى وفى اختراع اسمة تليفون ! وبعدين اية الطرح البديل او الحل اللى بيطرحة لو التليفون بالنسبة للموقع مفزع للدرجة دى ! مش معقولة ناس كبيرة عاوزة ترتبط وتكون اسرة يتصور القائمين على الموقع ان الارتباط حيتم من خلال انى بعت مسج او استقبلت مسج ! دة يبقى تهريج بقى ؟ هو الارتباط بيجى كدة مستحيل ! ###يمنع طلب الإيميل أو رقم الإتصال أو الماسنجر من الطرف الآخر لهدف المحادثة خارج الموقع - وينبغي التقيد في المراسلة الداخلية عبر الموقع .### طيب اية الطرح البديل مادام التليفون مخيف للدرجة دى ! الطرح ان العضو يرتبط عن طريق مسجات الموقع اللى بتوصل بعد ساعة ؟ ويستوعب الطرف الاخر من خلال المسجات اللى لازم يتعملها ريفريش عشان تظهر ؟؟ مش عارف بس انا شايف ان دة شئ غير معقول وغير منطقى .