شريكتك أنا

-تحديث-الباشا اللى متجوز ومراته على ذمته لسة بحجة انه منفصل مرة وهى في مكان وهو في مكان وعايش معاها ماساه احزن من الالياذة والاوديسا و مش عاوز يطلقها عشان العيال -الكلام دا مايدخلش دماغى - مافيش حاجة عندى اسمها منفصل يامطلق يامتجوز اللى في النص دا مايلزمنيش انصاف الحلول عادة بينتج عنها مشاكل جديدة -لا ببيرضينى انصاف الحلول ..ولا بيعجبنى اشباه الرجال حتى لو اغنى مخلوق على الارض....وللا اللى يقول لى هى موافقة بالتعدد -ماتوافق زى ماهى عاوزة والله هى شايفاك هارون الرشيد وكتير على ست واحدة فدا براحتها دى واحدة راضية بالغلب انا لو هاكل عيش حاف مش هرضي- وانك ميسور وتقدر تفتح اكتر من عشر بيوت كل الكلام دا مايوزنش معايا -ارنب ملك ولا جاموسة شرك - فلله الحمد انا عارفة قيمة نفسي وماقبلش الشراكة والقسمة مع حد انا عاطياله نفسي كلها...-ومحاولاتك الفاشلة انك تضايقنى او تقلل ثقتى في نفسي وتقولي خليكى قاعدة -عشان كدا وصلتى للسن دا من غير جواز.....عانس واحمدى ربنا ان اصلا لاقيه حد لسه عاوزك-احب اقولك ولو بقي عمرى 70 سنة انا مش من معتقدى مقوله ضل رجل ولا ضل حيطة بعرف اضلل على نفسي كويس والحمد لله .ويا الاقي رجل اكمل معاه لان ناس كتير مختلط معاها -ذكر ورجل-ياهكمل لوحدى في معية ربنا ....والاخ اللى مسافر وفاكر نفسه انى هيغمى عليا من الفرحة لانه عريس مريش وعاملهم على قلبه -يريح نفسه مابتعرفش على حد مسافر ولا عندى استعداد اتعلق بالحبال الدايبة ...والمرضي النفسيين اللى عاوز واحدة شخصيتها قوية وهو مطيع وهيبقي خدامها وعاوز بغسلها رجليها ونذله وتضربه بالشبشب ماتقول انك متنيل شاذ و-ماسوشي- وخلص نفسك واعترف بدا وروح اتعالج-ذل ايه ووكسة ايه اللى بتدور عليهم والدنيا ذلانا لوحدها - واللى عاوز يتجوز عرفي لحد ظروفه ماتسمح عشان هو شخصية مهمة - مش قد حاجة ماتعملهاش .ايه العاهات دى والقرف دا .اسفة انى طولت مابحبش الكلام الكتير بس بجد ترفزتونى...اتمنى للجميع يلاقي ضالته المنشودة اللى داخل يدور عليها هنا بعد ما تقطعت به الاسباب -اما بقي اللى داخل يلعب وللا يتسلي وللا يعمل نفسه جان .. فربنا يديله على قد نيته ومن ناحيتى انا فهسمعه كلام عمره ماسمعه في حياته وهخليه يعيد تفكير في حقيقة كينونته -رجل- من اصله