بنات انتبهو من

كونو جادين وأصدقو مع أنفسكم أولا حتى يثقون فيكم بنات الناس .. وأقرؤ المكتوب للفائدة -"" "زوجوهم والله بيرزقهم" "زوجوهم والله بيهديهم" ترا الله بيرزقهم حتى و هم عزوبية وبيهديهم ان اراد من غير مايتزوجون .. الزواج مو حل للمعضلات "زوجوهم بيعقلون" ترا اللي ماتربى في بيت اهله الزواج ماراح يربيه بالعكس بينتج اسرة مفككه واطفال مو متربين لا اكثر ولا اقل . "ظل راجل ولا ظل حيطة " على فكرة لمن تجمعين راتبك وتشترين لك حيطة بتسترك افضل من انك ترمين نفسك في حضن ديوث تصرفين عليه عشان محد يقولك عانس . "ماعندنا بنات تطلّق" هالجملة خلت اشباه الرجال يستعبد زوجته وهو واثق ان ليس لها مكان غير سجنه . " اصبري عشان عيالك " العيال ان شافوا ابوهم يشم ويحشش ويطق امهم وقليل دين وعلم بيطلعون مثله فالافضل انها ماتصبر وتبعد بهم لبيئة أنظف . "ولدنا مكوّن نفسه وجاهز للزواج" "بنتنا صارت عروسه وتقدر تصير ست بيت" تفسير الجملتين بإختصار ان ولدنا معه راتب وبنتنا تعرف تسوي كبسة فقط . "الف بنت تتمناك " تتمنى اخلاق محمد عليه السلام وحلمه وافاق عقله وتعامله الجميل مع زوجاته ان كنت غير ذلك فلن تجد من تتمناك . ينصحون البنت تكون سنعه وتتمسك بالزوج حتى وان كان غير سوي بس ينسون ينصحون الشاب يكون بقدر المسؤولية ويصون بنت الناس .. إن لم تكوني قادرة على حمل المسؤولية فلا ترضخي للمجتمع وتقبلين بظلم الطرف الاخر إن لم تكن قادر على حمل المسؤولية فلا تنوي تأسيس اسرة مفككه . لن أُخصص الرجل في النقد دون المرأة لان في واقعة تفكك الاسر يقع اللوم على الطرفين من الابناء دون استثناء احدهم الام والاب " - والله ماضاع بالحياة مثل المرأة صايرة شماعة للأخطآء تطلق مرة تتزوج شايب مرتين..ماحد يطل بوجهها وحضرته يطلق عشر مرات ويتزوج حلال . - اتقو الله في النساء واعدلو .. الحياه بسيطه وجميلة اسعو لحياه يملأها الحب والتفاهم والود والإخلاص والاتفاق والسعادة بعيده عن المشاكل والإهمال والخيانه . المرأه مخلوق كله أحاسيس وعواطف وانت أيها الرجل طفل بيد تلك المرأه أحسن تعاملها وتودد لها رجولتك وشهامتك بحبك لها واهتمامك بها وسوف تعطيك إضعاف حبك لها وتذكر انه بيوم من الأيام سيكون لك بنات وسوف تتألم لا ألمهم وتفرح لفرحهم وسوف تبحث عن من يليق با ابنتك ومن يحافظ عليها ويحبها - - مهما تزوجت من النساء ثلاث ورباع قد تكفيك واحده هي ملجأك الوحيد هي أمانك ابحث عن الحب العفيف اوالود او الإعجاب المنتهي بزواج هاذي هي السعادة الحقيقة ولا من المتوقع ان يكون مصيرك مثل شباب هالايام استراحات وسفر وممتزوج ويبحث عن الاهتمام والاحتواء ..أبحث عن من تحبك من تسعدك من تضحي لا أجلك الحياه محتاجه يكون معاك سند يعيش معاك على الحلوه والمره .. وفقكم الله لما يحب ويرضاه وماوضعته للفائدة . أتمنى من المتناقضين بالفكر ان يعو لا تسوي الحرام بدنياك وتقول الشيطان شاطر وتسوي المنكر بجميع أنواعه وتعرف انه حرام ومقتنع بالهشيء بس في حال الارتباط تبي بنت صالحه عفيفه ومتربيه .. او عشانك سافرت وشفت ثقافات اخرى للبلدان تجي تبي تطبقها على بنات بلدك باسم التحرر هذا بأسم التخلف والجهل .. احنا لنا دين يسير وفي مجتمع محافظ متفتحين بحدود الأدب ونحترم الثقافات الاخرى و مو معناه اذا سافرت صارو بنات بلدك في نظرك متخلفين وجاهلين والستر جميل مهما كان أتمنى من الرجولة تدعم الرجولة فليحفظ الله لنا الرجال الشهميين الغيوريين على دينهم وبنات بلادهم بعيدا عن التشدد والتخلف والتفريق بين الحلال والحرام - أتمنى لكم السعادة الأبديه .