انوش 💟0

انا انسانه عاديه جدا شكلي مقبوووول وكمان مريح لكن مش جميله ، ومحبوبه كمان من اللي حواليا زي ابو تريكه كده 😂 الله يمسيه بالخير ، رياضيه وبهتم بمظهري ونفسي جدا استايلش يعني😀 ، شخصيتي قويه لكن مرحه ومابسبش حد في حاله 😂 لازم انكش اللي قدامي ، وبعامل ربنا مقدرش اقول في كل شئ ،علي اد مااقدر بحاول ارضي ضميري ،الانجلش بتاعي حلو ، بقدر الراجل جدا وبحترمه ، نفسي في حد قاهري شخصيه مستقله في كل حاجه ولو مش قاهري مايبعتليش ، حد يكون صاحب ليا قبل مايكون زوج، بحب الاستقلال في الحياه الزوجيه بدون مشاركه الاخرين ، رأيه و رأيي بس مابحبش التدخلات .. نعيش حياه هاديه يعني .. يكون ابن حلال ويستاهل ويقدر ....معنديش مشكله لو طلع مجنون يعني 😂 و اللي بيجي في باله بيعمله بس بعيد عن اغضاب ربنا ،مقبول الشكل بردو ورياضي لان ده قبول وراحه ولو شايف نفسك مش مقبول ولا تحرجني ولا تحرج نفسك معايا وتضيع وقتك ووقتي انا كده ...صريحه... مش مهم بيشتغل ايه ماتفرقش معايا ،يعرف ربنا بس وعنده ضمير ويكون راااااجل معايا ويحترم كلمته لان دي بقي بتفرق معايا كتير قوي .. اللي حابب يتواصل معايا علي بياناتي دي وحاسس انه مرتاح يتفضل يبعت رساله يعرفني بنفسه فيها ، اسمه ايه ،ساكن فين، طبيعة شغله ، يتكلم عن نفسه ولو عايز يسيب وسيله تواصل بردو معنديش مانع...مش يبعتلي ممكن نتعرف😕😏؟؟ هقوله يلا ياد من هنا 😂🏃🏃 ، لا مش ههتم انا بالرساله دي ولا هبص حتي علي بروفايلك حتي لو كنت الشخص اللي بتمناه و نفسي فيه، عرفني بنفسك ديركت ،و بلاش الناس اللي بتدخل تبعت رسايل دي وخلاص من غير مايشوف حتي البروفايل حافظ مش فاهم مابحبش الغباء 😂😂 يلاقي واحده داخله الموقع اوبااااا يلحق يبعت رساله الاول 😀ام الغباء ده مابحبوش 😂 عبوشكلك 😂😂 والمتزوجين لاء والمطلق عنده اولاد كمان لاء واكيد عنده ذوق ومش هيبعت ،ولو بعت يبقي قليل الذوق وششش😂 قولتكم صريحه.. ومش عايزه حد يكلمني سنه مش مناسب ليا ويقرا البروفايل وبردو يبعت ، يخلي عنده ذوووق ومايزودليش رسايلي برساله ملهاش اي 30 مليون لازمه بليز 😀 ومايدخلش علي بروفايلي تاني ،لو في الثلاتينات اه ، لوكمل الاربعين مايكلمنيش ، وخلو في نظام مره واحده في حياتنا بقي ونحترم بعض عشان كل واحد يوصل للي هو عايزه بسهوله ومن غير لف ودوران وتضيع وقت ، انا داخله هنا عشان ارتبط واتجوز ، اللي داخل يتسلي او يضيع وقت ويتعرف... بلاش.... احب اقوله ربنا يشلك ومايباركلك في صحتك ولا يوفقك ابدا لادنيا ولا اخره وتموت محروق ياشيخ 😂، استني لسه مخلصتش ومايستر طريقك كمان😂😂، قول ياساتر يارب واخلع وسيبو الواحد ربنا يكرمه بقي مره واحده ،يمكن ربنا يكرمك انت كمان ،... وبصراحه لو ده بروفايل حد انا عن نفسي هضحك و مش هقرا كل ده 😀الا لو اسلوبه عجبني انت ازاااي جالك صبر تقرا كل ده 😂