زهرة بلا بستان1

لما كلنا هنا في الموقع كويسين وطيبين ومظلومين ... امال مين اللى ظالم لما كلنا جادين ... امال مين اللى بيتسلى مين اللى ممكن يكسر حد حبه واداله كل حاجة ومأخدش غير الوجع والظلم والإهانة لية لما كلنا كويسين داخلين هنا في الواقع الافتراضي ندور على حد وسايبين اللى شبهنا وسايبين حبايبنا ...في الواقع بتاعنا ... لو لسة ليك حد بتحبه في الواقع اقفل هنا وروح اتصل بيه وقوله انا محتاجك وهنسى اي حاجة وهتعرف عليك من تاني ... صدقوني كلكم هنا اخواتي الموت مش بيستنى وساعتها هتشوف انك كنت غلطان لما اتعلقت بتفاهات ... اقفل هنا وروح احضن واقعك ... انا مش معقدة كلكم عارفين انتو هنا لية ... انا هنا علشان اقول لكل واحد داخل هنا والله كل بنت هنا نفسها تعمل بيت وتستقر وتصونك وتحبك ومن فضلك خليك معاها اد المسئولية اد المسئولية يعني لو بتتسلى بيها قولها انا مش ناوى على جواز ... بالله عليك بلاش تكسرها وتفرم مشاعرها وتمشي ... لو انت مش هتكون راجل معاها ارجوك من فضلك سيبها لحد يكون ارجل منك ... والله ورا كل راجل موجود هنا في حبيبة بتزف وبتحبك بجد ... من فضلك اقفل هنا وروح جرى احضن واقعك .... معلش انا مش بدخل كتير بس انا داخلة اقول الكلمتين دول