kg2014

صريح.............. ولساني مشكلة......واللي بقلبي يركض ركض على لساني وما اجامل ولا انافق ولا اكذب...... احب الحياة لكن باصول مو خربطه ولواكه وسرسرلوغية..... ورايد انسانه تسافر يمي ونبنيها سوه على الحلوة والمره وان شاء الله منشوف غير الحلو يارب . .... والتوفيق للجميع ....... والباقي بعدين المشكله من اللي شفته بالموقع يوميه اكتب زيادات .... بالاول خل افهم الموجودات السبب اللي خلاني ادخل هنا .... السبب اني عايش بره وبعيد ومن الاهل يردون منك تتزوج ويكولون شفنالك مره 90 بالميه راح تكون على نضرتهم مو على نضرتك .... لهالسبب اريد اكون صاحب القرار والاختيار بهالموضوع لان الواحد تبقه تختلف نضرته عن نضرته غيره واللي تتمناه ميشوفه غيرك مثل ما انته تشوفه .... الشي الثاني اللي اريد اكوله ليش الموجودات كل وحده مسويه اشتراكين وثلاثه؟!!!!!!! يعني تدخل باسم وترجع وتدخل بالاسم الثاني ليش؟!!!!! وبعدين اذا اكو نيات صافيه وحجيتي ويه مشترك ليش انتي تحجين وياه وداخله للموقع تستقبلين رسايل وتجاوبين ؟!!!!! زين على الاقل وقفي دخولج للموقع لحد ما تبين الامور وتشوفن هالشخص يناسبج او ميناسبج ... اذا ناسبج فهذا رزقج والحمد لله واذا ما ناسبج كوليها بصراحه ما ناسبتني وارجعي ادخلي للموقع ..... السلبيه اللي شفتها بالبنات هنا عجيبه غريبه واريد احجيها بصراحه ...... قسم من المشتركات من تدخل وتقرا المكتوب تكول ليش هيج تتهجم على البنات بهالكلام ...... هذا الشي دفعتني عليه المشتركات باسلوبهن وتصرفاتهن وما اقصد الكل بس الاغلبيه واكولها هالموقع يكسر واهسك حتى بموضوع الزواج من الاسلوب الموجود والتصرفات الموجوده .....