غمض عيونك

يا جماعه روح قلبي ونور عيوني وحياتي وعمري الاماراتيه .. انا لين الحين ليش مصمم على ان اتزوج وحده تكون جنسيتها اماراتيه .. احبهم واحب طباعهن .. ابا حلالي اتكون اماراتيه . وليش لأ ترا الحمد لله لا دينا ولا الله قال ان الجنسيات ادش في سالفة الزواج .. ما دام ان الزوجين راضين وفي توافق ما بينهم .. وفي شو التوافق بيكون : 1 - العادات والتقاليد : انا ريال عايش في الامارات من سنه 1979 واعرف العادات والتقاليد زين 2- اللغه : الحمد لله لغتي اوكيه .. خلاف التنقيعات ( بس احسن عن البلوش) 3- الاصدقاء : كل اصدقائي الحمد لله مواطنين كلهم ورابي وياهم واعرفهم زين . 4- الوظيفه : اشتغل والحمد لله شغله زينه في حكومه ومدير ادارة بعد . 5-البيزات : الحمد لله البيزات موجوده ما ابا من حرمتي فلس واحد مثل ما حد ممكن يفكر .. بتاخذ المهر اللى تباه .. 6-بيت : الله يسهل الأمور والبيت بيكون موجود وعلى كيفها ما بقصر وياها ان شاء الله . 7- جنسية والاقامه وهاي السوالف انا ما اباها عشان ما تفكر اني اباها عسب الجنسيه واتوقع وعلى حسب معلوماتي اني يوم الملجه يوقعوني على تعهد اني ما اطالب بالجنسية وعلشان اثبت حسن نيتي راح اوقع .. يا جماعه والله اني ما ابا غير انسانه ارتاح واعيش وياها .. يمكن وايدين يرفضوا طلبي بس يمكن علشان انا صادق النيه ويا ربي احصلها.. واي معلومات مطلوبه عني .. حاضرين بعدين بس عشان طولت عليكم ادري مشكورين.