Quuiet.Home

شخص هادئ مرح لبق بالحديث فيني قبول ووسيم ولله الحمد، لون بشرتي بيضا، محترم ما احب المشاكل والخلافات، فيني من الحكمة والصبر ومعالجة الامور والخلافات بهدوء وبأسلوب راقي، وفيني من الحزم بالأمور اللي تستدعي. احب الترتيب والنظافة والشيء الراقي سواء مودرن او كلاسيك والنباتات والاشجار والزهور. بيتوتي وزملاي قليل وما نتقابل الا بالشهر او الشهرين مره بحكم الأعمال والارتباطات العائلية. اهتم على بيتي وعائلتي ما ينقصهم شيء وحركي بالبيت احب ابتكر وارتب واساعد الزوجة والعب مع الابناء واذاكر لهم اذا فيني حيل وكنت فاضي. أقدر الاستقرار والوضوح وأعشق في نفس الوقت تجديد الطاقة بالسفر والرحلات البرية والبحرية والتسوق والملاهي والبولينج وغيرها. عادتي ما احب ولا أقدر ارفض طلب واللي بجيبي مش لي. عيبي ان اوقات اكون عصبي ومزاجي سيء جداً واحاول اكون لحالي او اطلع ابتعد عشان ما احد يزعل مني. واضح وصريح ومتفهم وما عندي اي تشدد او تدقيق. دايم يقولونلي شكلي اقل من عمري شبابي ومواكب التطور وروحي طيبه ونيتي صافيه اللهم لك الحمد. احب امارس الرياضة في البيت. اتمنى ارتبط بإنسانة واعية وحكيمة وصادقة ووفية وتبادلني المودة والاحترام والحب وتقدر العشرة والاستقرار. عارف ان ما في شيء كامل والكامل وجهه ولكن اقدر اوصل الشيء اللي ما يعجبني بأسلوب هادي وحلو عشان ما يتأثر بالمقابل اتقبل الانتقاد وأغير الشيء اذا الطرف الثاني ما ناسبه ودايم احب اخذ الرأي ما احب اسوي الشي من نفسي حتى لو اني مقتنع لأني مش لحالي عندي شريك بحياتي، ابغى نبني حياة هادية ومستقرة ومستقبل جميل. ان حصل خلاف لا سمح الله ويصير في أكثر البيوت يكون بيننا واعتذر لو قصرت او اخطأت لأن الاعتذار من شيم الرجال وفوقها هديه. أمي ساكنه ببيت مستقل معها عاملة وبعض اخواني ، يهمني كثير كثير من تأخذني تهتم بالسؤال عنها وزيارتها بين فترة وفترة والتواصل معها بالجوال وتعزمها لزيارتنا من غير ما اطلب وتعتبرها مثل امها، بالمقابل انا راعي واجب واقدر اهل زوجتي بالهدايا وحضور المناسبات والاجتماعات والتواصل، عيالي عند امهم مش معي