زوج لزواج ثاني

إنسان واضح وصادق من البداية وعارف أنا عايز إيه بالظبط اسمي أحمد 43 سنة مهندس مستقر في القاهرة لوحدي متزوج وعندي أولاد زوجتي وأولادي عايشين بره القاهرة تماما وأنا مسؤول عنهم ومش هتخلى عن مسؤوليتي ناحيتهم. وطبيعة حياتي من زمان إني عايش لوحدي في القاهرة ومستقل في حياتي وده مش ظرف جديد أو حاجة حصلت ده نمط حياة مستمر من سنين بحكم شغلي وظروفي وطبيعتي نفسها أنا بدور على زوجة تانية بجد وزواج كامل ومستقر مش علاقة مؤقتة ولا مجرد مقابلات أو علاقة جسدية. أنا بطبيعتي بحب الهدوء والخصوصية وبحب كل واحد يكون ليه مساحته وحياته. مش بحب إن الزوجين يفضلوا مع بعض طول اليوم وفي نفس الوقت مش عايز جواز بارد أو مجرد اسم على ورق. أنا محتاج زوجة تحبني وتحب وجودها معايا يكون بينا كلام وقرب واحتواء وحضن ووقت خاص بينا وتكون العلاقة الزوجية والجسدية بينا طبيعية ومُرضية للطرفين. وفي نفس الوقت أنا أحيانًا بحب أقعد لوحدي وأحتاج مساحتي حتى وأنا بحب زوجتي ومبسوط معاها. احتياجي للهدوء والمساحة مش معناه إني مش بحبها أو إني رافض قربها. بس دي طبيعتي وشخصيتي مش بحب حد يخترق حياتي كلها 24 ساعة ولا يختفي من حياتي كلها تماما لا دي ولا دي. أنا محتاج التوازن ده في حياتي. ولما أكون تعبان أو مريض يفرق معايا جدا إن زوجتي تكون حنينة عليا، تهتم بيا وتساعدني وتكون جنبي وأنا كمان هكون موجود عشانها وأهتم بيها وقت احتياجها. القرب والحميمية مهمين عندي لكن مش هما أساس الجواز كله. أوقات أكون محتاج قرب واهتمام أكتر وأوقات تانية أحتاج هدوء ومساحة، وعايز زوجة تفهم ده من غير ما كل اختلاف يتحول لمشكلة. أنا عايز واحدة شخصيتها مستقلة، حنينة، ناضجة وعارفة هي عايزة إيه. واحدة تحب زوجها وتحتاجه، وفي نفس الوقت عندها حياتها وشخصيتها، ومش شايفة إن الحب معناه إننا نكون مع بعض 24 ساعة ولازقين في بعض، لأن ده بيخنقني جدًا. والأهم عندي إنك تكوني عارفة من البداية إني رجل متزوج وعندي أولاد ومسؤوليات ومتقبلة فكرة الزواج الثاني عن اقتناع حقيقي، مش موافقة مؤقتة وبعد الجواز تحاولي تغيري شكل حياتي. وفي نفس الوقت أنا مش عايزك تلغي نفسك عشاني. إنتي هتكوني زوجتي وليكي احتياجاتك ومشاعرك وحقوقك، وأنا عايز العلاقة تكون أخذ وعطاء من الناحيتين. أنا مش بدور على واحدة تخدمني، ولا واحدة تكون موجودة عشان العلاقة الجسدية وبس. أنا بدور على زوجة أحبها وتحبني، تهتم بيا وأهتم بيها، يكون بينا قرب حقيقي واحتواء ومودة، وفي نفس الوقت كل واحد يحترم مساحة التاني. لو إنتِ عايزة جواز تقليدي يكون فيه الزوج والزوجة مع بعض طول الوقت، غالبًا إحنا مش مناسبين لبعض، لأن حتى حياتي الحالية أنا عايش لوحدي مش مع زوجتي، ودي طبيعتي. لكن لو شايفة إن ممكن يكون في حب وقرب واهتمام وحياة زوجية كاملة، مع مساحة وخصوصية واستقلال للطرفين، ومع اتفاق وتخطيط مشترك لكل حاجه تخص حياتنا كده ممكن ناخد فرصه مع بعض نفهم بعض كويس بكل وضوح وصراحه وانا معاكي صادق أمين