أنا Eng4life ، 41 عاما من السعودية أبحث عن زوجة رقمي في مودة هو 12476518

عضوية مميزة

السكن و الحالة الإجتماعية

أنا شخص أحب الحياة والتجارب الجديدة، فضولي بطبعي ودائمًا عندي شيء جديد أبغى أتعلمه أو أجربه. أحب السفر، الدبابات، الطرق الطويلة، الأماكن اللي مو كل الناس تروحها، والطلعات اللي تبدأ بفكرة بسيطة وتنتهي بقصة حلوة 😂 طموح وشغلي مهم بالنسبة لي، وأحب أبني وأطور وأشوف أثر الشيء اللي أسويه، لكن في نفس الوقت أقدّر جدًا العائلة والوقت الحقيقي مع الناس اللي أحبهم. شخصيتي مستقلة وأحب يكون عندي مساحتي، وأحترم مساحة الطرف الثاني. أحب النقاش والصراحة والناس اللي عندها رأي وشخصية، وما عندي مشكلة أحد يختلف معايا، بالعكس ممكن يكون هذا أحلى شيء. أحب الضحك والبساطة والعفوية، وما أحب العلاقات المعقدة أو اللي كلها شد وجذب. بالنسبة لي أحلى علاقة هي اللي فيها صداقة وراحة وأمان، نقدر نكون فيها على طبيعتنا، نضحك كثير، نجرب أشياء جديدة، وكل واحد فينا يخلي حياة الثاني أحلى.

أدور على شريكة حياة رايقة وواثقة من نفسها، ذكية وعندها شخصيتها وحياتها وطموحها، وفي نفس الوقت حنونة وعائلية وتعرف قيمة البيت والشراكة. أحب الإنسانة اللي تقدر تتكلم بصراحة، تختلف بدون دراما، وتقول رأيها حتى لو مو نفس رأيي. تكون مرنة، خفيفة روح، تحب السفر والتجارب واكتشاف أشياء جديدة، وتعطيني مساحتي مثل ما أنا أعطيها مساحتها. مو مهم تكون نسخة مني أو تحب كل الأشياء اللي أحبها. بالعكس، حلو يكون لكل واحد عالمه، بس نعرف نرجع لبعض ونستمتع بالحياة سوا. باختصار، أدور على علاقة فيها مودة وراحة وضحك وصداقة واحترام، وكل واحد فينا يضيف لحياة الثاني بدون ما يلغيها.