Tunii578

-اولاً مهم يكون من الجنسيات العربيه -أبيه يكون شخص واثق من نفسه بس مو مغرور ويكون قوي بشخصيته بس مو متسلط ويعرف متى يكون حازم ومتى يكون لين ويكون فاهمني من نظراتي قبل كلامي ويلاحظ تغيري وما يخليني أطلب الاهتمام طلب ويكون يحب يسمعني حتى لو الموضوع بسيط بالنسبة له ويهتم بتفاصيل يومي ويحب يفرحني بالمفاجآت والهدايا والكلام الحلو ويكون رومانسي بطريقته وأبيه يحسسني إني أنثى مدللة معه مو إني شايلة كل شي لحالي ويكون طموح ماديا وعنده هدف واضح بحياته ويعرف يدير فلوسه ويخطط لمستقبله ويكون كريم بدون إسراف وأبيه اجتماعي بحدود مو من النوع اللي حياته كلها طلعات وسهرات ويكون محترم بحدوده مع البنات وما يعطي مجال لأي وحدة تتجاوز معه وأبيه إذا صار بيننا خلاف ما يهرب ولا يسحب نفسه أيام ويتركني معلقة بالعكس يجلس معي لين نحل الموضوع وأبيه يعرف يحتوي زعلي حتى لو كان هو مو فاهم سبب زعلي من البداية ويكون أمان لي وقت خوفي وضعفي ويوقف بظهري بدون ما يحرجني قدام أحد وأبيه يحترم شغلي وطموحي وما يحاول يصغر من إنجازاتي ويشجعني أطور نفسي ويكون فخور فيني وأبيه يكون بيته هادي وعلاقته معي مبنية على الثقة والاحترام والرحمة وأهم شي يكون وجوده بحياتي يخليني أقول الحمدلله إني اخترته