دلوعه 01

رجال كفو محافظ على صلواته بالمسجد وبار بوالدينه ولديه قيم ومبادئ يكون اعزب قبيلي وناجح بحياته شخصيته قياديه ومتزنه صاحب حضور ويهتم بمظهره الخارجي يحب يكشخ ويكون نحيف وطويل قامه وملامحه مقبوله ويكون لطيف مرا وحنون ويُفضل يكون رجل أمن👮🏻‍♂️ وما يكون متشدد ويكون كريم مرا ويحب يسعد زوجته ويدلعها ويفديها بروحه يكون محترم ومتواضع وأخلاقه عسل والحديث معه ممتع ويكون بعيد عن المشاكل ويكون ونيس فرفوش ويضحكني ويحب السفر والتمشيات وما يكون راعي قيل وقال وراعي غيبه ونميمه او نقال علوم ويهمني يكون متفهم وعطوف ويحتويني ويساندني وقت حاجتي لمساندته وما يكون عصبي ابداً ولا يكون صوته صاخب او مزعج يكون هادئ الطباع متزن كثير ومستعد للزواج ولا يفكر بالأطفال في السنوات الأولى نبي نفلها بداية الزواج بدون مسؤوليات كثير لاحقين ان شاء الله على المسؤوليات في الوقت المناسب لما نكون مستعدين😂 ومن ناحية العمر يكون اكبر مني أُفضل يكون بيننا فارق عمر لطيف اشوف نهاية العشرين حلوه او بداية الثلاثين حسب الرجال وشخصيته عاد ويكون يحطني بعيونه يشوفني حبيبته ودلوعته وأشوفه اقرب الناس لقلبي زوجي وحبيبي وصديقي وبطلي ودنيتي كلها ونعيش حياتنا سوا مثل ما نبي وبالطريقه اللي نحب💞 والبرنامج هذا مليان ريجيل كثير والنعم فيهم لكني كتبت بعض صفات الشخص اللي يناسبني وأتمنى ما يتواصل معي إلا اللي يشوف ان الصفات اللي سجلتها موجوده فيه حفاظاً لوقتنا و يمكني كثرت كلام عشوائي بدون ترتيب حتى بس عاد شسوي كتبت اللي في بالي كله والله يكتب اللي فيه الخير عاد أنا احب اسولف أصلاً ولو نسيت حاجه ولا شي أقولها بعدين عاد😂 والله يرزق الجميع بما يتمنون🌷 آخر شي حابه اذكركم بالله وصلو على النبي - سبحان الله وبحمده .. سبحان الله العظيم - و هاذي للأجر وكذا عشان إذا ما حصلت نصيبي هنا أكون حصلت اجر على الأقل واطلع بفايده من هالبرنامج 😂💗