أنا Marwanemamm ، 38 عاما من مصر أبحث عن زوجة رقمي في مودة هو 12323111

عضوية مميزة

السكن و الحالة الإجتماعية

أنا مروان، 38 سنة، من القاهرة. منفصل من 3 سنين، وماعنديش أطفال. بشتغل Marketing Manager، وخريج تجارة ومعايا MBA… لكن لو سألتيني أنا مين بعيدًا عن الشغل، هقولك إني شخص بسيط، هادي، وبحب راحة البال أكتر من أي حاجة. بحب القعدة الحلوة، والكلام اللي له معنى، والناس اللي وشها زي قلبها. بحب أقرأ، وأكتب شعر وروايات لما يكون عندي شعور يستحق يتكتب. 📚✍️ رومانسي، لكن مش بالكلام الكتير… بحب أعبّر عن اهتمامي بالأفعال. بالنسبة لي، رسالة “وصلتي؟”، فنجان قهوة من غير ما تطلبي، أو سؤال عن يومك… دي كلها لغات حب. 🤍 وبالمناسبة… بعرف أطبخ كويس جدًا 👨🏻‍🍳😂 ومن باب الصراحة برضه… عندي شوية ريد فلاجز 😅 🚬 مدخن. 😅 ممكن أعصب أحيانًا، لكن بعرف أراجع نفسي وأعتذر. ⚪🔴 وبشجع الزمالك… ودي غالبًا أصعب واحدة. 😂

مش بدور على علاقة تملّي وقت فراغ، ولا على كلام كتير يخلص بسرعة. بدور على بنت لما أرجع آخر اليوم أحس إني عايز أحكيلها كل اللي حصل، وهي تبقى مرتاحة وهي بتحكيلي يومها. ❤️ نفسي ألاقي شريكة حياة تكون صاحبتي قبل ما تكون زوجتي، نضحك سوا، نسند بعض، ونبني بيت أساسه المودة والرحمة والاحترام.