تعيس الاحظ

-لمراتي المستقبلية... الصبر راه قرب يسالي- يا اللي باقا مخبية عند ماليك فالدار وأنا هنا كنوجد راسي وكنوجد المحفظة 😅 ما شفتكش مزال، ولكن قلبي داير ليك "Réservé" بحال بلاصة فالترام ملي كيكون عامر ناس. وعد مني: غادي نكون ليك السند ملي الدنيا تعوج والكتف اللي تبكي عليه بلا ما تقولي "سمح ليا" والريموند كنترول ديال التلفاز.. لا هاديك فيها نقاش 😂 ولكن كلشي آخر ديالك نتي الأولى فيه. غادي نحب فيك كلشي: عنادك ملي تقولي "أنا ما غالطاش" قهوتك بلا سكر، وضحكتك اللي كترد الروح وحتى ملي تنعسي وتحلي فمك.. غادي ندير راسي ما شفت والو 😉 ونصونك بحال شي "iPhone" جديد نحط ليك بوشيط، وزاجة، ونخاف عليك من الطيحان ونطلعك فوق راسي تاج، ماشي "ساك ديال السوق" فوق ظهري. ومن دابا كنصبر، نخدم، ندعي "يا ربي قرب البعيد، وسهل المستحيل" حتى نجيك بالحلال، وندير ليك أحلى عرس ونقوليك قدام الناس كاملين: "هادي هي، لقاها قلبي أخيرا" -فإلا كنتي كتقراي هادشي دابا- سيري قولي لصحاباتك: "راه كاين واحد كيوجد فيا" حيت أنا كنوجد فيك نتي.. وكنتسنى غير الموافقة ديال ماليك 😂❤️