Abdelrahman9765

أولاً: السمات الشخصية : ​محتاج حد دماغه كبيرة ومستوعبة. أنا شخص لي اهتمامات فكرية وفلسفية خاصة، ومحتاج شريكة تتقبل اختلافي وتعرف تتناقش معايا، أو على الأقل تحترم مساحتي الفكرية بمرونة. ​بدور على حد مُقبل على الحياة وعنده طاقة إيجابية، شخصية بشوشة تقدر تكسر حدة ضغط الشغل وجدية التفكير اللي بعيش فيها. ​تكون شخصية مستقرة نفسياً، مش من النوع الصدامي ولا اللي بيدخل في صراعات تافهة، عندها قدرة على القبول لشخصيتي زي ما هي. ​ثانياً: الجانب الاجتماعي: تكون ​بنت أصول أنا مرتبط جداً بأهلي والعيشة هتكون معاهم -مع الخصوصية الكاملة بينا طبعاً-، فمحتاج حد يكون ابن بيئة طيبة بيعرف يقدر الأصول، وعنده ذكاء اجتماعي يخليه يكسب محبة اللي حوليه بسلاسة ومن غير ضغط. ​مش عايز حد ضعيف الشخصية، بالعكس، عايز حد شخصيته واضحة ومستقلة، بحيث تعرف تحافظ على حدود حياتنا الخاصة جوه البيت من غير مشاكل. ​بإختصار: أنا بدور على حليفة مش مجرد زوجة؛ واحدة نكون أنا وهي فريق واحد قدام الدنيا، تكون هي السكن والمكان اللي برتاح فيه من دوشة العالم، وفي نفس الوقت تكون إضافة حقيقية لحياتي بعقلها وروحها.