Habeeba1

-اللهمَّ هَبنِي بيتاً آمنًا لا يتسرّب سرّه ولا ينفذ خيره-🤎 العمر : 37 -ولكن ليدي بروح طفلة-😉 ‏‎المؤهل : متوسط الطول: 160 👌😎 الوزن: 80 -بطاية سيكا🦆 بس بنظم اكلي 🫣 لون البشرة: قمحي فاتح -مش شاي بلبن دة كابتشينو فاخر-☕️😌 الحالة الاجتماعية: منفصله" اللهم ارزقني بمن يحمل لي الحب في قلبه وقوله وفعله" ♥️ عدد الاطفال: ✌️👩‍❤️‍👨❤️ نبذة عنى: 👩🏻 الناس بتقول مش بتعرف تتكلم عن نفسها بس أنا بعرف اتكلم عن نفسي عادي 😎😄 محدش فينا كامل لكن مع الناس اللي بنحبها بننسى إننا ناقصين أي حاجة☺️ أنا شخصية حنينة جداً جداً جداً بدون مبالغة جوايا طيبة ورحمة تجاه كل مخلوقات ربنا سوًا بشر او حيوانات ♥️ محبوبة الحمدلله من كل اللي يعرفني، بتراضي بسرعة مش بشيل جوايا🌹 جدعة ولو حد احتاج مني حاجة اخدمه بعيوني، النية صافية والقلب سليم وبحب الخير لكل الناس، كريمة ومعطاءة جدا ودايماً بيتقال عني اللي ف ايدي مش ليا، بعرف اطبطب وأجبر الخاطر واحتوي بسمع كويس وبهتم بمشاعر غيري، بهتم بالتفاصيل علشان اسعد اللي معايا☺️ مريحة ف التعامل سلكه مليش ف اللف والحوارات😌 بعرف افرح حتى بالتفاصيل البسيطة، شخصية عاطفية، ورومانسية، عاقلة وناضجة وف نفس الوقت جوايا طفلة نفسها تعيش، بعرف اتحمل المسؤلية كويس، بحب الهدوء والدوشة السُكات والرغي واللعب والتنطيط والسفر والخروج وقعدة البيت واللمة يعني ميكس من حاجات كتير هتكتشفها مع الوقت 🙈 فرفوشـــة وبشوشة💃 بكره النكد والتكشير والزعل والخصام والمشاكل😁 بحب جدا الخصوصية🤐 مش بحب الروتين وبميل دايماً للتغير 🙄 بحب النظافة والنظام والدنيا تبقي مرتبة بحب القطط والملاهي والسينما والسفر والتصوير والشِّعر والورد والزرع والفراشات والجري تحت المطر وقعدة البلكونة والشاي بالنعناع 🌱 والبحر وكل ما هو لونه وريحته ومنظره جميل🥰 بحب المطبخ وبعمل اكل حلو 😋🫕 بس مش بحب المواعين 🥲🙆‍♀️ ومستعدة اتعلم علشانه واطور من نفسي ما هو روح وهتسال عليها اجتماعية الحمدلله 🙋‍♀️ بصلي الحمدلله وحجيت مرة وبحاول دايما اكون نسخة افضل 😍 عارفة ان اقرب طريق لقلب الراجل بيجي من الاهتمام والاحترام والتقدير والحنية وبعد كده معدته ♥️😋 انت عارف بقي ان مفتاح قلبي اية 🤔🔑 لا لا مش الهدايا انما الكلمة الحلوة الاهتمام التقدير الحنية بكلمة حلوة .. بتحول لروبوت سعادة حرفياً🌹🤖 مش عايزة ابقي سترونج إندبندنت وومن لان أنا بكون استرونج من برا و من جوا 🥲🤕 🙆‍♀️ عايزه اقعد في بيتي الي هيبقي شبهي وأصحي افتح الشباك ادخل الشمس واسقي الزرع واحط شوية مخبوزات واعمل نسكافية واقعد افطر واسمع مزيكا وحد يصرف عليا في هدوء 🤭😌 عايزة ابقي امراة أفسدها الدلال والدلع حقيقى البنت بتنور لما بتحس بالاهتمام لما تبقي مسؤله من حد، بتحلو لما بتتحب 😌😍