Dr Youssef m

انا بستغل فري لانس في تطوير AI بجانب دراستي الحمد لله بنظم وقتي بين الدراسة والشغل بدرس طب اسنان حاليا سنة تالتة داخل رابعة بهتم بصحتي بلعب رياضة بصلي فروضي في المسجد الحمد لله بصلي السنن بحفظ قران حاليا الحمد لله حافظ البقرة ال عمران والنساء وجزء عم وتبارك وبعض السور وبحفظ في المائدة عشت حياتي شوية في السعودية في جدة اتعلمت هناك علوم شرعية لكن واخد ثانوي من مصر حاليا بطور من نفسي في مجالات ليها علاقة ب AI وبحاول اتعلم مهارات تفيدني اكتر في سوق العمل بجانب دراستي هواياتي : كنت بلعب جيمز ودخلت مسابقات عالمية في لعبة الكترونية استراتيجية وكنت بحقق منها دخل لكن مكملتش عشان المجال ده محتاج وقت وكمان المشكلة الاساسية انه ليه مواعيد محدده للبطولات فمكنش مناسب معايا اني اكمل فيه وبطلت العب حاليا هواياتي ان اسمع بودكاست و اقرا قران وكتب تطوير ذات بحب المجال النفسي وتطوير الذات بتفرج ع ريلز لنفس المجال و برضو لفيديوهات معمولة بالAI بحب ازور اهلى بحب الاعب الاطفال الصغيرة بلعب كورة وباديل بعمل فيديوهات وصور بالاAI الحمد لله مش بسمع موسيقى ومش مهتم اوي بالسوشيال ميديا بس بحاول مغيبش عنها سعات ممكن اتفرج ع فيلم بس مش من هواياتي الاساسية ونفس الكلام للمسلسلات غالبا بيكون عشان معنديش وقت وبحب اعمل حاجة تانية احسن عيوبي اللي ملاحظها : عنيد شوية متهور احيانا صبري قليل للاسف بس بحاول اشتغل ع نفسي ف الحتة دي ويمكن ده اسوء حاجة فيا مستهتر شوية بحس ان بضيع فرص كتير بسبب قلة صبري مع استهتاري بس بحاول اشتغل ع نفسي واكيد مش متسامح مع العيوب دي مميزاتي بفضل الله : مجتهد عندي عزيمة وإصرار بحب اتعلم حاجات جديدة واطور من نفسي متواضع وكريم الحمد لله بحب اعود نفسي ع حاجة جديدة مفيدة استمر عليها ذكي في التعلم مش قوي اوي اجتماعيا من ناحية ان يبقى عندي علاقات كتير بس فنفس الوقت معنديش مشاكل الحمد لله وبحاول استغل ع نفسي فاني ازود علاقاتي بحب انام بدري واصحي الفجر ابدا يومي بعرف اعمل ريسيت بعترف بغلطي وبطور من نفسي ع طول مش بياس او بستسلم بسهولة بحترم الكبير عندي ايمان الحمد لله كبير فربنا واختيار ربنا ليا حنين ومبحبش ازعل حد مني او يكون حد مضايق مني حتى لو حقي ممكن اتنازل قصاد ان ميكونش الموضوع في شك واحد في المية الحمد لله برضو عمري مارتبط بواحدة ومش هكدب واقول اني مفكرتش لكن ربنا حفظني وسط الفتن الحمد لله وكنت دايما عندي ايمان ان ربنا هيختارلي الانسب وهيجيلي من حيث لا ادري