Taghred zaki

أنا من الناس اللي بتزعل بسرعة، ودي واحدة من أسوأ الصفات اللي فيا، وبصراحة... مش عارف أغيّرها. هتلاقيني دايمًا باخد كل حاجة على أعصابي، وبركّز في الكلام أوي، في كل تفصيلة فيه، وأقعد أُحلّل كل كلمة وأفكّر فيها من كذا زاوية. ممكن حد يرمي كلمة كده في وسط القعدة، ويفتكر إنها عدّت عادي، وكل اللي قاعدين يتهيألهم إنّي ماخدتش بالي أو طنّشت. بس الحقيقة؟ أنا ما بعدّيش حاجة، والكلمة بتفضل ترن في ودني. وللأسف... التركيز الزيادة ده بيتعبني جدًا، وبيأثّر على نفسيتي بشكل صعب أوي.