Monsieur123

أنا بنت مثلكم، وتعرضت لعملية احتيال مالي بمبلغ كبير جدًا، ومحاولة ابتزاز بصور ومكالمات فيديو للأسف. أكتب هذا الكلام للتنبيه فقط، مو للفضفضة ولا لطلب شفقة. للأسف في نوع من الرجال يعرف كيف يدخل من باب الأمان والدين والالتزام وذكر الله والصلاة على النبي بشكل متواصل، ويخلق تعلق سريع، ويطلب منك تنتقلوا لتطبيق آخر و يحذف حسابه على موده عشان يبين انه جاد، و مستعد للزواج و تعب من البنات غير الجادات كل هذا تمثيل..ويطلب رقم والدك او والدتك و كل هذا تمثيل عشان يبتزك بعدين فيهم .. احذروهم احذروهم احذروهم كثير بنات محافظات يقولوا بعد الصدمة: “كأنه انمسح عقلنا وسوينا أشياء ما كنا نتخيل نسويها” وهذا صحيح… الخداع العاطفي يضعف الإنسان بدون ما يحس. انتبهوا: - عدم الموافقه على اي تطبيق آخر سناب ، تليجرام، واتس • لا كاميرا لا تحويلات ماليه او الاطلاع على روابط مرسلة • لا صور • لا وعود زواج بدون خطوات رسمية واضحة واللي ناوي خير فعلًا ما يستعجل بكلام حب وغرام ولا يضغط عليك بالتواصل على تطبيق ثاني ولا يطلب شيء يخالف كلامه. أكتب هذا عشان ما تمر أي بنت بنفس اللي مريت فيه. الله يحفظكم 🤍