سطر نهايه

انا راجل قلبي طيب ونيتي خير راجل يعنى سند اللى لو خوفتى تدارى فيه وتبصى على الدنيا وانتى مطمنه ان فيه حد قدامك هيحميكى بحب اتعامل باحترام ورقي ومن غير ما اتكلف او اظهر حاجة مش فيا طبعي هادي بس حضوري مفهوم واللي يقرب مني شوية يعرف اني انسان صريح وواضح وبسيط انا بطبعي جدع وصاحب موقف لو وعدت بوفي ولو حد احتاجني بلاقي نفسي واقف من غير ما افكر كتير بحب اسمع قبل ما اتكلم وبحب اعامل الناس زي ما احب يتعاملوا معايا عندي قلب يتحمل يمكن ازعل بسرعة بس بصفّي اسرع وما بحبش اشيل في قلبي من حد وعندي روح حلوة وخفة دم بسيطة تبان للي يعرفني كويس ولو ظهرت بتخفف الجو وتعمل ضحكة حلوة انا بحترم نفسي والناس وبعرف قيمتي من غير غرور وبحاول دايما اكون نسخة احسن من نفسي واللي يتعامل معايا يوم بيشوف فيا معدن نضيف واصل واضح انا زملكاوي اصيل يعني باختصار اتعودت اصبر واتعودت افرح من قلبي واتعودت ان كل يوم فيه مفاجآت اكتر من مسلسلات رمضان 😄 انا الزملكاوي اللي لما الفريق يكسب الدنيا كلها بتنور ولما يخسر برضه مكمل اصل احنا الزملكاوية قلبنا قوي والزمالك ده مش اي حد يتحمله بنضحك على نفسنا شوية من غير نفسنه وبنحب فريقنا باى وضع