م.الله

أتمنى شخص .. صادق أمين .. يكره الكذب أو الشح شخص على خلق قبل أن يكون " متدين " لأن ديننا دين أخلاق حرفيًا .. نظرته للمرأة إنها كمال لما أنقصه الله سبحانه و تعالى في الرجل و الرجل كمال لما أنقصه الله في المرأة .. يعني يكون عاوز زوجة أنثى فعلا مش راجل واقف جنبه كتف بكتف و شايل معاه البيت لأني مش الراجل دا الصراحة .. لأن الأكيد إن الفرق كبير بين الزوجة السند و السكن و الأمان لزوجها .. و بين راجل عايز زوجة تشيله و تصرف عليه كمان إذا أمكن ^^ راجل عارف إن كمال رجولته في إنه يكون هين لين حنين على زوجته .. يعرف يكون معاها طفل و مراهق و راجل أب و صديق و حبيب .. فيقدروا يهونوا على بعض الحياة و يستمتعوا مع بعض بحق و ساعتها بس هيعيشوا المعنى الحرفي للمودة و الرحمة و السكن بأمر الله تعالى 🤍 رجل قادر على تحمل المسؤولية بحق من غير إفراط و لا تفريط .. ف يكون عارف يعني إيه إنه يكون راع و مسؤول عن رعيته ما عنديش مشكلة في التعدد بس مش في السر نهااااائي .. و يكون في عدل بين الزوجات في كل شيء و ما يكونش مشروط بعدم الخلفة ..