Omar.Afifi.88

انا اسمي عمر ، انا خريج هندسة قسم ميكاترونيكس ، والحمدلله من نسل الرسول صلى الله عليه وسلم من ناحية والدي و والدتي و أيضا والدي رحمة الله عليه من نسل الرسول صلى الله عليه وسلم من ناحية والده و والدته ، من عائلة أصيلة بشوات أبا عن جد قبل مجئ عبدالناصر طبعا ، انسان طيب و جدع و بسيط و سهل الإرضاء و حنين و رجل حقيقي بمعنى الكلمة ، باصلي الحمدلله و حافظ ماتيسر من القرآن الكريم و باقرأ ورد يومي و طموحي في الحياة اني أكمل حفظه و فهمه و أعمل بيه ، باروح الجيم مرتين في الاسبوع و باتدرب ملاكمه ٣ ايام في الاسبوع ، و باتعلم بيانو للترفيه ، اشتغلت في حياتي كتير و شقيت لكن دلوقت انا الحمدلله متقاعد و كأنني معاش مبكر ، رايق و بحب المزيج بين البساطه و الرقي ، الحمدالله عندي أرض زراعيه ورثتها عن والدي رحمة الله عليه و عندي شقتي في عمارتنا و جاهزة للسكن متشطبه تشطيب فاخر و شيك جدا و مفروشة فرش فخم و جميله جدا ، بحري و جوها تحفه ، و في حي راقي في مدينة ٦ اكتوبر و في لوكايشن ممتاز يتمتع بخصوصيه رائعه ، والحمدلله مستور بقرشين كويسين في البنك والدي رحمة الله عليه سايبهم لي ، أخوي ساكن في الشقة اللي تحتي في عمارتنا و باقي الوحدات متأجره بتجيب لنا إيجار شهري كويس الحمدلله ، ده مش بيت عائلة لأن والدتي و أختي ساكنين في بيت أبوي في فيلا في كومباوند بيننا و بينه شارعين تقريبا ، مطلق و ليا بنت وحيده ساكنه مع مامتها في الاسكندرية عند اهلها ، و ده موضوعي أنا و مسئوليتي أنا و شيء يخصني أنا فقط ، كان خطأي في الاختيار من البداية و انا اللي متحمل مسئوليته لوحدي ، ومش هايؤثر على حياتي الجديدة مع زوجتي الجديده نهائي ، هم في حالهم و احنا في حالنا ، وانا مجرد بابعت لمريم بنتي نفقاتها بصفة شهريه فقط ، و الموضوع منتهي وما احبش اتكلم في الماضي نهائيا، المهم انا عايش دلوقت لوحدي و بيتي مش ناقصه حاجه غير الانسانه اللي تيجي تنور حياتي و تعينني على طاعة الله و تعفني وتشاركني الحياة و تحلم معايا لبكره