TDIEFW529

الي مو جاهز بالسكن والمهر لايدخل خاص .لاحظت كثير يدخل يتكلم عن نفسه كثيييير كأنه أمير عصرة واذا جيتي سالتيه عن المهر والسكن وخطوات الزواج الفعليه جلس يراوغ..... عزيزي انت هنا في برنامج للزواج الإسلامي المحافظ تبي خرابيط دور غير ذا البرنامج لاتنسى انك حالف ومؤدي القسم وموقع عليه والله هو الشاهد عليك ... مهرك جاهز سكنك جاهز تقدم على طول نظرة شرعيه يومين ثلاث ندرس أخلاقك وطباعك وبعدها نعقد مايبغا لها كثرة كلام....... بعضهم لاعبه فيه الحريم لعب ويفكر كل الحريم مثل بعض عزيزي انت عندك عقده رح عالجها وبعدين تعال تزوج ......وبعضهم يكتب مطلق وهو كذاب زوجته على ذمته بس خايف منها عزيزي الزواج للشجعان وليس للجبناء....وبعضهم جاي يبغى سوالف وغراميات تراك ذنبك اكبر من ذنب الي يغازل علنا أمام العالم لانه يجذب النساء الفاسدات مثله،لكن انت ذنبك أعظم لانه دخلت على النساء المؤمنات القانتات الصالحات الي يخافن الله وتحاول تضحك عليهم مسيار مسيار سري غير معلن ماتدري انه ربك يعلم مافي قلبك . لاتشوف وجه واحد جاي خاص مو جاهز ...ترى كثييير قفلت حساباتهم مالي الا خمس ايام وقفلت اكثر من ٣٠ حساب لانه قلو ادبهم .... والرجل البخيل مهما تصنع الكرم يبين مكشوف فلا تستعمل ذكائك هنا لانه بتنكشف البخيل يجلس على فلوسه ولا يتعب نفسه يدور الزواج لانه الزواج يعني مصاريف . انا ابغى زوج متفرغ لي لحالي متقاعد او أرمل من نفس منطقتي الشرقيه فقط . ملاحظه [ دخل كثير في الخاص يفكر المهر مليون ليه ...إلى هذي الدرجه انا كنت مااعرف اشرح ... المهر ميسر جدا و السكن استديو او سويت لانه شخصين فقط يعني غرفة وصاله ومنافعها ماتوقعت هذا صعب ] الغرض الزواج بالحلال