أنا وحظى الله

إنسان بسيط ونفسي ارتبط عن حب ..مش بس جواز وخلاص..تكون ليا الأم والأب بعد وفاتهم والأخت..وتقوينى حتى لو ضعفت..احسسها بالأمان وامنع الخوف منها..الناس المريضة اللي بتعمل تجاهل..عايز اقوللهم ادخلوا وشوفوا ..ما عجبكمش بياناتى اخرجوا بأدب واحترام ..ايه لزمة التجاهل..وفيه ناس مريضة بتقول أنا دراسه جامعية ما اخدش إلا مهندس او مدير أو سعودى يسفرنى بره..وهي آخرها محدش بيبصلها وقاعدة تناكف فى ابوها وامها فى البيت.واللي كاتبة بتقول بحب الخروج والسهر والسفر..ليه إن شاء الله..هتخدى واحد رافع ارايل؟ يا استاذه جامعيه.انتى لو كان حد بصلك ما كنتيش دخلتى برنامج زى ده..اتنيلي..واتقوا الله . مش هقول أدوا فرصة للشباب تتجوز..هقول للبنات ادوا فرصة ليكم تعيشوا حياه طيبه وتبنوا أسره..معظمكم كبار فى السن . وآسف مطلقات ومنفصلين.عايزين ايه علشان ترتبطوا بالشباب..منتظرين ايه أصلا علشان تتجوزوا..لحد ما تعدوا سن الخمسين ؟شوفوا واعرفوا مين الأصلح ليكم لحد ما ربنا يكرمكم وتلاقوا ابن الحلال..واللي عايزكم أكيد هيخبط ع الباب أو تعملوا مقابله تشوفوا فيها بعض.. والله السعادة في الرضا..واكيد اللي هيرتبط بيكى هيحافظ عليكى ويحميكى وما يخلكيش محتاجه حاجه..كما قال رسول الله صلى الله عليه وسلم.. أوصيكم بالنساء خيراً..