Frida.

"أنا بدوّر على راجل... بس مش أي راجل." صادق صدوق العهد ..راجل بيصلي، بيحط ربنا قدام عينه قبل أي خطوة. بيخاف ربنا في، مش مني. قلبه طيب، بس مش ساذج… وعقله ذكي، مش بس في الشغل أو الدراسة، لكن في الحياة، في الناس، في المشاعر. عايزاه ذكي اجتماعيا يعرف إزاي يتكلم، وذكي عاطفيا يفهم قبل ما أشرح، ولبق… كلمته تهدي، وصمته ما يوجعش. بيحب الحوار، والمناقشة، مش بيهرب منها. بيعرف يحب بعقل وبهجة، مفيش إفراط ولا تفريط، يوازن بين الجنون الجميل والعقل الناضج. مهذب، راقى، بيعرف قيمة الكلمة، وبيفهم إن الاهتمام مش رفاهية… ده حب في صورته النقية. بيسمع قبل ما يحكم، وبيصاحب قبل ما يحب، وبيصدق إن الشريك الحقيقي هو اللي يكون معاك في كل الحكايات… اللي محدش غيركم يعرف يحكيها. بيحب يقرأ، وبيحكي حكايات بحسّ، صوته دافي، وقلبه كمان. راجل يعرف إن كل مرحلة في الحب ليها لغتها… ولما يحب، يحب بمعايير ناضجة، مش بحماس لحظة… لكن بوعي عمر.