لا تحزني 06

فبلادي فقط على السكرة والتدخين يشجعوك !! وإلا زنيتى مع شي درية يقولو ليك مبروك !! واخا شافوك غادى للهاوية والله ما يحذروك !! نتا غادي الطريق الخطأ ولكن ماغاديش ينبهوك !! علاش ؟ حيت باغينك طيح فالأرض ويشوهوك !! حتال الأوقات الكحلة عاد يديرو الصواب ويتذكروك !! هادو باغين لجهنم يسيفطوك !! سکایری و کفایفی باغين يشوفوك !! ونتا تبقا تابعهم حتى تولى عيان ومهلوك !! - بقا ناعس نتا وكونهانی راه ماغاديش يفيقوك !! حيت باغينك تكثر المعاصى وعلى الله يبعدوك !! الا كنتي خارج الطريق يفرحو ليك ويستقبلوك !! والا كنتی ملتازم متشدد وارها ابي يرجعوك !! يقولو عليك معقد ويحتاقروك !! الا ما فهمتش کلامی سول الناس لي سبقوك !! راه هاد الناس والله ما غادي ينفعوك !! والا بغيتيها بلغة الفيسبوك !! حيدهم من حياتك ودير لاصدقاء السوء بلوووك !! فبلادي الا حدرتي ليهم الراس راه ماغاديش يقيلوك !! واخا شديتي التيقار غادي يجبدوك !! الا شافوك درويش غادي يحكروك !! اللهم خرج فيهم عينيك وخليهم يخافوك !! وكولهم نتا قبل ما ياكلوك !! حيت حاكا غادي يديروك فوق راسهم ويحتارموك !! فبلادي الناس حتى يبغيو مصلاحتهم عاد يتفكروك !! يبداو يتبجلسو وبجميع انواع الصباغة يصبغوك !! عنداك تيق فيهم راهم غير ينافقوك !! راه كايهضرو فيك فالغيب ومن تكون حاضر يشكروك !! والا عطيتي ليهم راس الخيط غادي يغدروك !! ومن غادي ياخدو داك شي لي بغاو غادي يركلوك !! وكون على يقين انه ما يبغى ليك الخير غير مك وبوك !! ماكنهضرش على كلشي ماتمشيش غالط ارجوك :- !!