Ahmed Alharbi98

أعتذر لو كلامي فيه شيء من الحدة والله هذا مو طبعي لكن وضع النقاط على الحروف مهم لشريكتي المستقبلية، عشان ما تنصدم بعدين. الصراحة والوضوح أساس أي زواج ناجح. أدور على زوجة بطعم عشيقة لا أقبل إلا سعودية أو خليجية فقط. العمر من 30 إلى 42 سنة. أريدها: جميلة، راقية، فاتنة، هادئة، ومحترمة، لأنها في النهاية بتكون زوجتي وشريكة حياتي وماعندها عقدة فرق العمر. ما يهمني أصلها ولا وظيفتها ولا حالتها الاجتماعية -سبق لها الزواج أو لا-. الزواج يكون بعقد شرعي وموثق رسميًا. ما راح أسوي حفلة، وراح اخذها من بيت وليها بعباتها معززة مكرمة والإعلان عن الزواج راح يكون فقط عند والدتي بحكم إني الوحيد على إختين وأبوي متوفي. شروطي: ما أبي إنجاب اطلاقاً. المبيت اليومي غير ممكن. حياتي أغلبها انشغال وعمل، فلازم تتفهم هالشي وتكون راضية فيه. فكرة التعدد قد تدور في بالي مستقبلاً، وأحب تكون شريكة حياتي متقبلة لهذا الاحتمال فما احب أوعد بشيء بعدين أغير فعلم المستقبل عند الله. إن كنت بعيد عنها أغلب الوقت، هذا ما يعني إنها تكون على راحتها المطلقة، لأني مؤمن إن القوامة مو بس مادية، لكنها اهتمام ومتابعة لأدق تفاصيل حياتها. مكانتها الاجتماعية أمام أهلها وصديقاتها من أولوياتي، وبالمقابل أتوقع منها إن احترامي واحترام أسمائنا المكتوبة في عقد واحد يكون من أولوياتها. ما راح أتزوج أي وحدة إلا وأهلها عارفين بالوضع كامل وموضح لهم كيف حياتنا بتكون، ولازم تكون من بيت متفهم ويقبل إني أخطب لحالي من غير جاهة، عندي خال واحد ومريض، وفِي بيني وبين أعمامي حساسيات، فاخترت أبتعد عشان أرتاح. بخصوص السكن: إذا حبت تعيش مع أهلها أو أولادها، ما عندي مشكلة ونتقابل في بيتي وقت فراغي. وإذا حبت تستقل، أشتري لها فيلا خاصة وتسكن فيها مثل ما تحب.