mo. abughazala

انا اسمي محمد، من الفيوم، 30سنة، انا الحمدلله من بيت مش هقولك غني ومش فقير الحمدلله، ونسأل الله ان يحشرنا ف زمرة الفقراء والمساكين يوم القيامة، الحمدلله ميسورين الحال، وعندى رضا بعطاء الله، انا كان تعليمي جامعة عمالية، بس للاسف الشديد مكملتهاش، بسبب المصاريف كترت عليا، لانى انا كنت المتكفل بنفسي، وبصراحة انا من صغري اتبهدلت جامد وشقيت واشتغلت كل حاجه تيجي ف بالك ف اى مجال، انا يمكن عصبي حبتين😂، بس والله قلبي ابيض جداً، وطيب جداً، بس غيور جداً جداً، بس مش شكاك خالص، لانى مش بدخل حد ف حياتى غير لو وثقت فيه، وجد جداً، وعقلانى جداً، ورومنسي جداً، ولكن لكل مقاما مقال، وانا عارف كويس يعني ايه زوجة وحياة زوجية ومسؤولية.. وعارف ازاى اقدر الست اللى معايا واحترمها واخليلها مكانة وسط الناس، الحمدلله انا شخص ملتزم الى حد ما كويس، وبحاول طبعاً اقرب من ربنا اكتر واكتر، ببساطة انا شخص بخاف ربنا جداً، ودا بقي قليل ف زمانا عارف، لكن اسأل الله لي ولكم الثبات ع الدين، انا الحمدلله مقيم ومحافظ ع صلواتي، الحمدلله بصوم اتنين وخميس طول السنة عدا ايام الحر الشاقة، ومستمر ع كدا الحمدلله بقالى 7سنين، فانا الحمدلله عندى شغلى الخاص بيا بالفيوم، والحمد لله بيعملي دخل كويس، وغير كدا عندى طموحات اخرى لعمل اخر، لدى من الاخوة خمس... اربع بنات وولد، والحقيقة انا منفصل من سنتين، وعندى ولدين، احدهم 6سنوات والاخر 3س، لكنهما ف حضانة والدتهما حاليا، وكدا إن شاء الله مكنش نسيت حاجه ويبقي قولت عني كل تفصيلة، اولا انا بقول الكلام ده لاني مش بتاع لعب ولا جاى اتسالى ولا اضيع وقت