غربه وطن@

البيت عندي مش فندق، ومراتي مش ضيفة. هي الملكة، هي الونس، وهي اللي نضحك سوا وننسى تعب اليوم، ونبني بيوتنا بـ عقل وضهر في بعض. أنا مش مثالي، بس راجل بحب الحياة، وبحب أعيشها بشريكتي مش لوحدي. مش انطوائي، ولا بحب أبقى في الهامش… أنا من النوع اللي الناس بتحس بيه في القعدة حتى لو ساكت. قيادي من غير ما أفرض، ومؤثر من غير ما أتكبّر. مش بتاع مظاهر، بس دايمًا باعرف أخلي اللي قدامي يحترمني… لا بالصوت العالي، ولا بالفلوس، بس بالأسلوب والموقف. وعن الجواز؟ أنا مش داخل عشان أجيب عروسة "تكمّل الصورة"، أنا بـ دوّر على شريكة، تفهم إن الحياة مش كلها لون بمبي، بس برضه مش لازم تبقى سودة. عايزها تبقى ضهري… وأنا أكون ضهرها. نضحك لما الدنيا تضحك، ونشد على إيد بعض لما تكشّر وشّها