ميرا محمودد

عاوزاه راجل بجد، قلبه طيب ونضيف، يخاف ربنا فيّ قبل ما يحبني… يبقى ضهري في وقت ضعفي، وسندي في وقت خوفي، وصاحبي قبل ما يكون حبيبي. مش شرط يبقى مثالي، لكن يكفيني يكون صادق، بيقدر وجودي، وبيفهم سكوتي قبل كلامي. عاوزاه يطبطب، مش يجرح… يسمعني وقت الزعل، مش يزود عليا. يبقى هادي في ردوده، عقلاني في تصرفاته، وعينيه فيها حنية بتطمن قلبي. أنا مش طالبة منه يكون أغنى الناس، لكن نفسي يكون أغنى قلب. يحبني بعيبي قبل ميشوف جمالي… يشوفني وطن، مش محطة مؤقتة.