lllllllllllla

الرجل اللي يناسبني، ما أطلب فيه المثالية، لكن يهمّني يكون أعزب، صادق في نيّته، واضح في هدفه، ومسؤول بمعنى الكلمة. أبيه رجل يعرف قيمة الاستقرار، وواعي بمسؤوليات الزواج، مو بس شريك في الأيام الحلوة، لكن سند وقت الجد والمواقف الصعبة. تفكيره عقلاني، ومتوازن في شخصيته. بسيط، متواضع، ما يحب التفاخر، فيه شهامة وغيرة راقية، ويخاف الله فيني قبل لا يهمه نظرة الناس. وشخصيًا.. ما أخفي إنّي أرتاح للرجل المملوح، الراقي في حضوره، اللي ترتاح له العين قبل القلب. طويل القامة، لبق في كلامه، حنون ومرح بحدود، ويعرف متى يكون جاد ومتى يضحك من قلب. أنا ما أبحث، ولا أركض ورا أحد… لكن أؤمن إن النصيب الطيب يلقى صاحبه إذا النية طيّبة. واللي فعلاً ناوي زواج حقيقي، بيختار الطريق الصح من البداية، بدون لفّ أو تجارب جانبية. زواجي مرتبط بأهلي، وما أقدر أطلع من تبوك، فوجوده أو سكنه فيها شرط أساسي. والتواصل ما يكون خاص أو شخصي، يكون عن طريق والدتي كوسيط، ويفضّل من البداية يكون بين الأهل، لأن الزواج عندي قرار جاد، ما أقبل فيه أي تعارف سطحي. وإذا صار توافق، عندنا شوفة شرعية، وهي خطوة مهمة وأساسية بالنسبة لي ولأهلي. شرطي الأخير: العمر لا يقل عن 30 سنة، ويكون فعلاً ناوي زواج جاد، مو تجربة أو فضول.