أنا Nahe Liebe ، 39 عاما من المغرب أبحث عن زوجة رقمي في مودة هو 11157584

عضوية مميزة

السكن و الحالة الإجتماعية

الرجل الحقيقي ماشي هو اللي عندو طوموبيل ولا دار كبيرة ولا حساب عامر، راه الرجولة ما كتتقاسش بالفلوس. كاينين رجال كانو أغنياء، عايشين بخير، ولكن منين تزوجو، كتبت ليهم الدنيا يخسرو كلشي، وبقات معاهم مرتهم، ما خلاتهمش، لأنها شافت فيهم الراجل، ماشي رزقهم. وفالمقابل، كاين راجل بسيط، خدام غير على قد قوتو، ولكن قلبو عامر، نيتو صافية، وفاش تزوج، الله رزقو، وفتح عليه، وبدا يصعد درجة بدرجة حتى ولا من الميسورين… علاش؟ لأنه راجل بمعنى الكلمة. الرجل هو الصدق، هو الثقة، هو الحنان، هو الغيرة اللي فحدودها، هو القتالية… الراجل هو اللي يجيب الخبزة من فم السبع باش يفرّح مراتو، ماشي اللي يتسنى ترث بوها ولا تصرف عليه. الفلوس كتجي وتدوز، أما الرجولة، يا كتكون يا ما كتكونش

فهاد الزمن، شفنا بزاف ديال البنات اللي قرّاو، تقاتلو، دازو من مراحل صعيبة باش يحققو ذاتهم، خدمو، دورو لفلوس، وحققو الاستقلال ديالهم. ولكن مع الوقت، كيكتاشفو أن الحياة بلا سند، بلا رجل يوقف معاهم فالحلوة والمرة، بلا وليدات يملّيو الدار، كتبقى ناقصة. كيتأكدو أن لفلوس ماشي هي السعادة، راه كاينة راحة البال وكاين دفء العائلة اللي ما يعوضو حتى ذهب الدنيا. وفي المقابل، كاينة وحد الفئة اللي لا قرات، لا خدمات، عايشة غير بالراحة والنعاس، ومنين كتجي تهضر تقولك: "أنا ما نتزوجش براجل إلا كان عندو دار وطموبيل وفلوس"، وكأن السعادة هي غير لفلوس، ونسات أن الراجل سند وأمان وتفاهم، ماشي ATM! الفرق كبير بين اللي كتقلب على رجل فيه المعنى، وبين اللي كتقلب غير على فلوسو.