M M M M S

انا عارف بإني كتبت كلام كتير ولكن اتمنى انك تقرأيه كله وربنا يرزق كل واحد باللي عايزه انا إنسان بسيط بيحب ربنا وبيحاول يقرب ليه كل يوم خطوة حافظ لكتاب الله ومعايا إجازة في القرآن وده مش فضل مني دي نعمة ربنا أكرمني بيها ملتزم مش متشدد ومش متسيب بفهم الدين على إنه رحمة وميزان حياة مش مجرد أوامر ونواهي بحب الوسطية ورافض الغلو أو التسيّب ماشي على طريق الوسطية اللي ربنا أمر بيها وبحاول دايمًا أكون متوازن بين الدين والدنيا عندي شغف بالتعلُّم واللغات -بتكلم كذا لغة غير العربي-، وبحب أقرأ كتير وده فتحلي آفاق واسعة في القراءة والثقافة والمعرفة، لكن دايمًا بثبّت رجلي على أرض ديني وهويتي لأن الإنسان اللي بيطور نفسه بيكبر في عين نفسه قبل عين الناس أريد ان يكون لدي بيت مبني على "وَمِنْ آيَاتِهِ أَنْ خَلَقَ لَكُم... لِتَسْكُنُوا إِلَيْهَا"، وأسعى دايمًا أكون زوج بيحترم زوجته ويسمعها ويخاف ربنا فيها انا مش مثالي لكن بجاهد نفسي كل يوم علشان أكون راجل بحق راجل في قلبي وديني ومواقفي أنا داخل هنا مش علشان أجرب ولا أتكلم مع أي حد ولا أعيش حالة مؤقتة أنا هنا لأن قلبي بيدور على سكن حقيقي على إنسانة أرتاح في كلامها وأتّقي ربنا فيها ونكون طريقنا للآخرة واحد قبل ما نكون شركاء حياه في الدنيا ويكون هدفنا الجنه هادي الطباع مش بتاع صريخ ولا عصبية ولو زعلت باخد جنب وأسكت وبعدها بشويه برجع طبيعي ولا كان فيه حاجه حصلت بحب التفاصيل الصغيرة اللي بتعني كتير نظرة طيبة كلمة حنونة دعوة من القلب. عندي غيرة على اللي تخصّني غيرة محترمة مش تحكم. قلبي حساس جدًا لكن واقف على أرض ثابتة ما بحبش أقول كلمة إلا لما أكون قدّها وما بحبش اقول كلمه تجرح مشاعر اللي قدامي حتى لو انا بتكلم صح مش مهم أعيش مع واحدة كاملة أنا عايز أعيش مع واحدة صادقة، نضيفة القلب، بتغلط وتعتذر، وتسامح، وتحاول زَيّي بالضبط بحب البساطة والصراحة والراحة النفسية وأرفض التمثيل والمظاهر الفارغة باحترم الأنثى اللي عندها حياء وعندها نُضج في التفكير وبتفهم يعني إيه تكون زوجة بحق الزواج عندي مش مجرد بيت وأكل وشرب هو ميثاق غليظ يعني عهد ومسؤوليه وموده بين اتنين بيساعدوا بعض يوصلوا لربنا ويعيشوا حياة فيها طمأنينة ستر وحب صادق أؤمن إن الدين رحمة قبل ما يكون أوامر وإن الرجل الحقيقي هو اللي يكون ستر لمراته وسند ليها عندي هدوء مش ضعف وغيرة مش سيطرة باحترم الأنثى اللي بتحترم نفسها واللي شايفة إن الحياء قوة مش ضعف جاد في كل كلمة بقولها مش بتاع علاقات ولا تجارب قلبي مش ملعب ده بيت لواحدة بس بكره التمثيل وبحب الإنسان اللي يكون حقيقي حتى في ضعفه وفي النهايه احب اقول أنا مش داخل أدوّر على واحدة تعيش معايا… أنا بدوّر على روح تكملني واكملها وبيت نعيشه بطاعة ربنا. مش داخل هنا للتلاعب او التسليه لان كما تدين تدان وكل ساقي سيسقى بما سقى به الناس ملحوظه انا لانتمي لاي جماعه سياسيه او دينيه وليس لي خلطه بأي شيء يخص السياسه ولا اتحدث فيها نهائيا