أنا Barhoumi @ ، 30 عاما من السودان أبحث عن زوجة رقمي في مودة هو 11090637

عضوية مميزة

السكن و الحالة الإجتماعية

أنا زول بسيط بطبعي، ومرتب في حياتي، خريج هندسة من جامعة الخرطوم، والحمد لله قدرت أحقق جزء كبير من طموحاتي. حالياً مقيم في السعودية، وضعي المادي مستقر، وعارف أنا داير شنو من الحياة. بحب السفر واكتشاف أماكن جديدة، وعندي شغف بالمغامرات وكل تجربة جديدة بتضيف لي معنى، لكن رغم كل الحِراك دا، قلبي ما لقى الاستقرار الحقيقي، لأنو الحياة برغم وساعتها، ناقصاها روح شريكة صادقة. أنا زول باحترم المرأة، وبقدّر التفاصيل الصغيرة، بحب النظام، والنظافة، والهدوء، وبلقى راحتي في الكلام العميق، والونس الجميل الهادي. بحاول أكون نسخة أفضل من نفسي كل يوم، وبآمن إنو العلاقة السليمة مبنية على الاحترام، التفاهم، والصبر. أنا ما بدوّر على الكمال، لكن بدوّر على زولة تكون صادقة، حنينة، بتفهم المعنى الحقيقي للعِشرة، وبتبني معاي حياة متوازنة فيها رضا وسند. بإختصار: ناقصاني زوجة صالحة، تكون رفيقة درب قبل ما تكون مجرد لقب.

بدوّر على شريكة حياة تكون مختلفة، عاقلة، ناضجة، قلبها طيب وفيهو حنية الدنيا. بتفهم الحياة، وما بتخاف تمشي في طريق جديد جنب زول واقف على حيله، عاوزها تكون صبورة، طموحة، وفيها لمسة أنوثة راقية ما بتنشرح بالكلام. ما بهمني تكون كاملة، لكن بهمني تكون حقيقية، زولة تقدّر العشرة وتبني معاي علاقة فيها احترام، تفاهم، ومودة. أنا إنسان بسيط، حياتي مستقرة، وعايز أكون أسرة طيبة فيها حب وأمان. المظهر ما أولويتي، لكن الروح الحلوة بتجذبني قبل كل شي. لو فيكِ الصدق، الحنان، والعقل الراجح، فمكانك في قلبي محفوظ. ويُفضّل إنك تكوني سودانية، وعلى الأقل دارسة الثانوية أو أكتر، لأنو التعليم في نظري أساس التفاهم.